मलेशिया मास्टर्स 2024 के आयोजन हो रहल बा। जहां भारत के स्टार शटलर पीवी सिंधु लगातार शानदार प्रदर्शन कs रहल बाड़े। एह टूर्नामेंट के क्वार्टर फाइनल मैच में ऊ आपन मजबूत फॉर्म जारी रखली आ चीनी स्टार हान यू के खिलाफ शानदार खेल कइली. एह जीत से ऊ मलेशिया मास्टर्स 2024 के सेमीफाइनल में जगह बना लिहले बाड़न. बियफे 24 मई के सिंधू एह साल बीडब्ल्यूएफ टूर में आपन पहिला सेमीफाइनल में चहुँप गइली आ क्वार्टर फाइनल में 21-13, 14-21, 21-12 से जीत हासिल कइली. ओलंपिक 2024 से पहिले उनुकर फॉर्म बढ़िया संकेत देखावत बा.
चोट के बाद मजबूत वापसी
मलेशिया मास्टर्स 2024 के सेमीफाइनल में पीवी सिंधु के मुकाबला दुसरका क्वार्टर फाइनल में सिंगापुर के कुसुमा वर्दानी आ थाईलैंड के बुसानन ओंगबामरुंगफान के बीच विजेता से होखी. क्वार्टर फाइनल मैच से पहिले सिंधु कोरिया के सिम यू जिन के 21-13, 12-21, 21-14 से 59 मिनट में हरा दिहले रहली आ अगिला मैच में ऊ इहे फॉर्म जारी रखली. विश्व के 15 नंबर के सिंधू के लक्ष्य बा कि ऊ साल 2022 में सिंगापुर ओपन जीतला के बाद आपन पहिला बीडब्ल्यूएफ खिताब जीत लेव. थाईलैंड ओपन आ उबर कप से बाहर रहला के बाद एह साल सिंधू के जिनिगी में उतार चढ़ाव आइल बा. फरवरी में चोट लगला के बाद ऊ लमहर ब्रेक कe बाद कोर्ट लवट आइल बाड़ी।
सिंधू ओलंपिक से पहिले विदेश में प्रशिक्षण लीहें
साल 2024 में पेरिस में होखे वाला ओलंपिक खेलन के ध्यान में राखत भारतीय खेल मंत्रालय अब लक्ष्य सेन के शटलर पीवी सिंधु के साथे विदेश में प्रशिक्षण लेबे के मंजूरी दे दिहले बा. सिंधु जर्मनी के सारब्रुकेन के हरमन-न्यूबर्गर स्पोर्ट्स स्कूल में प्रशिक्षण लीहें. पेरिस जाए से पहिले उs अपना कोच अवुरी सपोर्ट स्टाफ के संगे उहाँ एक महीना से जादे समय ले अभ्यास करीहे। लक्ष्य सेन फ्रांस के मार्सिले में बारह दिन ले अभ्यास करीहें. पेरिस में सिंधु से बहुते उमेद रही काहे कि ऊ अकेला भारतीय महिला बाड़ी जे एह चैम्पियनशिप के इतिहास में लगातार दू गो पदक जीतले बाड़ी. 2016 में रियो में रजत पदक जीतले रहले जबकि तीन साल बाद टोक्यो में कांस्य पदक से संतुष्ट होखे के पड़ल.
