नई दिल्ली: झारखंड हाई कोर्ट के आदेश के सुप्रीम कोर्ट के निरस्त कs देले बा सुप्रीम कोर्ट से ओह 60 अधिकारियन के राहत मिलल बा जेकरा संशोधित परिणाम के चलते बाहर होखे के पड़ल रहे। सुप्रीम कोर्ट जेपीएससी के पहिला परिणाम आ अनुशंसा के सही मनले बा माने 326 अभ्यर्थियन के नियुक्ति सही बा।
एकल पीठ क्वालीफाइंग मार्क्स के कुल प्राप्तांक में जोड़े जाए के गलत बतावत संशोधित रिजल्ट जारी करे के निरदेस देले रहे। जवन्त के खंडपीठो सही मनले रहे। संशोधित परिणाम से 60 अधिकारी मेरिट सूची से बाहर हो गइल रहले। जवना लोगन के नौकरी खतरा में आ गइल रहे, इहे लोग सुप्रीम कोर्ट में याचिका दाखिल कs के हाईकोर्ट के आदेश के चुनौती देले रहे।
