महाराष्ट्र हिंसा : महाराष्ट्र में दु समूह के बीच झगड़ा के बाद भयंकर पत्थरबाजी के बाद पुलिस के गाड़ी में भी आग लगा दिहलस
महाराष्ट्र समाचार : महाराष्ट्र के छत्रपति संभाजीनगर के किराडपुरा इलाका में दु समूह के बीच झगड़ा हो गईल। एकरा बाद पथराव के खबर भी सोझा आ गईल बा। मिलल जानकारी के मुताबिक कुछ निजी अउरी पुलिस के गाड़ी में आग लगा दिहल गईल बा। पुलिस जनता के तितर-बितर करे खातीर बल के इस्तेमाल कईले अउरी अब स्थिति शांतिपूर्ण बा। छत्रपति संभाजीनगर के सीपी निखिल गुप्ता बतवले कि बदमाश के खिलाफ कड़ा कार्रवाई होई।
पूरा बात का बा?
राम नवमी के अवसर पे शहर के अलग-अलग जगह पे विभिन्न कार्यक्रम के आयोजन कईल गईल। शहर के मिश्रित आबादी वाला टोला किराडपुरा में स्थित राम मंदिर में भी तैयारी चलत रहे। रात के बारह बजे के करीब युवक के एगो समूह मंदिर के ओर जात रहे। इहाँ से ही तनाव के पहिला चिंगारी फूटल। प्रारंभिक जानकारी के मुताबिक कुछ युवक मोटरसाइकिल से जाके नारा लगावत रहले, ओकरा बाद युवक के टक्कर मार देले अउरी दुनो के बीच बकझक शुरू हो गईल। बाद में विवाद अउरी बढ़ गइल| नारा उठते ही दुनो समूह आपस में झड़प हो गईल।
मंदिर के सोझा खड़ा पुलिस के गाड़ी में दंगाई आग लगा देले। भीड़ सुने के तइयार ना रहे। कुछ ही देर में पुलिस के वरिष्ठ अधिकारी समेत भारी बल मौका पे पहुंच गईल। लेकिन लोग पथराव भी कईले अउरी गाड़ी के सीसा तूड़ देले। जवना चलते पुलिस भीड़ के काबू में राखे खातीर गोलीबारी क देलस। बाद में दमकल विभाग के गाड़ी आग बुझा दिहलस। स्थानीय लोग के मुताबिक, भीड़ के बात ना सुनला पे धार्मिक नेता के बोलावल गईल। आजाद चौक से सिटी चौक तक पूरा पुलिस बल सड़क पे रहे। अभी हालात पूरा तरीका से काबू में बा। बता दीं, 2 तारीख के इहाँ महाविकास आघादी के रैली भी होखे वाला बा|
