महाराष्ट्र के एकनाथ शिंदे सरकार राज्य मंत्रिमंडल के बैठक में दुगो महत्वपूर्ण फैसला लेले बिया। मुंबई के पांच टोल प्वाइंट पs हल्का मोटर वाहन कर माफ कs दिहल गईल बा। ई फैसला सोमार (14 अक्टूबर) से 12 आधा रात से लागू हो जाई. एकरा संगे महाराष्ट्र कौशल विकास विश्वविद्यालय के नाम बदले के फैसला भईल बा। अब एह विश्वविद्यालय के रतन टाटा के नाम से जानल जाई. लाइट मोटर व्हीकल श्रेणी में कार, बाइक, ऑटो, वैन, पिकअप अवुरी मिनी ट्रक शामिल बा।
महाराष्ट्र सरकार के मंत्री दादा भूसे कहले कि, महाराष्ट्र सरकार के मंत्रिमंडल के बैठक में आज एगो महत्वपूर्ण फैसला लिहल गईल बा। मुंबई के पांच टोल प्वाइंट (वाशी, ऐरोली, मुलुंड , ठाणे ,दहिसर) पs हल्का वाहन के टोल माफ कs दिहल गईल बा। इs टोल के माफ कs दिहल गइल बा. जनता के ओर से टोल माफ करे के मांग रहे अवुरी जनता के मांग के ध्यान में राखत सरकार टोल माफ करे के फैसला कईले बिया।
रतन टाटा के सम्मान
दिग्गज उद्योगपति रतन टाटा के सम्मान में महाराष्ट्र सरकार एगो बड़ फैसला लेले बिया। महाराष्ट्र कौशल विकास विश्वविद्यालय अब रतन टाटा के नाम से जानल जाई। रतन टाटा के निधन के बाद महाराष्ट्र सरकार भी उनुकर अंतिम संस्कार राज्य के सम्मान के संगे कईलस। स्वर्गीय रतन टाटा के निधन 9 अक्टूबर (बुध) के हो गईल। उनुकर उमिर 86 साल रहे। रतन टाटा आपन पूरा जिनिगी देश के सुधारे आ भारत के एगो नया पहचान देबे में बितवले. एही कारण से उनुका निधन के बाद उनुका याद में इs फैसला लिहल गईल बा।
