सोमवार के सबेरे रेल संरक्षण बल आ सरकारी रेल पुलिस सामान के जाँच करत रहे। तब ओह लोग के एगो बैग पर शक हो गइल आ ऊ खोल के ओकरा भीतर एगो लाश मिलल।
महाराष्ट्र के दादर रेलवे स्टेशन पर बवाल मच गइल जब एगो थैली के भीतर लाश मिलल। मुंबई पुलिस हत्या के बाद ट्रेन में सूटकेस में लाश लेके जात दु संदिग्ध के गिरफ्तार कs लेले बिया।
थैली के अंदर मिलल एगो व्यक्ति के लाश
सोमवार के सबेरे रेल संरक्षण बल आ सरकारी रेल पुलिस (जीआरपी) सामान के जाँच करत रहे। तब ओह लोग के एगो बैग पर शक हो गइल आ ऊ खोल के ओकरा भीतर एगो लाश मिलल। पूछताछ के बाद पता चलल कि हत्या पिधुनी थाना के अधिकार क्षेत्र में भइल बा।
आरोपी के पहचान हो गइल
पुलिस के मुताबिक मृतक आ आरोपी के बीच ओकर महिला दोस्त के लेके विवाद भइल। संदिग्ध लोग के पहचान जय प्रवीण चावड़ा आ ओकर सहयोगी शिवजीत सुरेंद्र सिंह के रूप में भइल बा। दुनो सांता क्रूज के निवासी अरशद अली शेख के हत्या में शामिल बाड़न सs।
अधिकारी बतवले कि हत्या के बाद संदिग्ध लोग रविवार के रात तुतारी एक्सप्रेस ट्रेन से जाके लाश के निपटान करे के योजना बनवले रहे। दादर रेल पुलिस एगो मामला दर्ज कs के रेलवे स्टेशन पs एगो संदिग्ध के गिरफ्तार कs लेलस। दूसरा भाग गइल, बाकी बाद में उल्हासनगर में गिरफ्तार क लिहल गइल।
सब आरोपी बहरा अवुरी गूंगा बाड़न सs
मृतक दुनो संदिग्ध बहरा आ गूंगा बाड़न सs आ सांकेतिक भाषा के इस्तेमाल से संवाद करेले। पुलिस जांच में मदद खातीर सांकेतिक भाषा विशेषज्ञ के मदद लेलस, जवना से हत्या के मकसद साफ होखे में मदद मिलल।
मुख्य संदिग्ध चावदा के पीड़ित शेख से महिला दोस्त के लेके झगड़ा भइल। मृतक के संदिग्ध के घरे पार्टी में बोलावल गइल, जवना के दौरान फेर से विवाद शुरू हो गइल आ मामिला हत्या के हद तक बढ़ गइल।
पुलिस के कहनाम बा कि लाश पूरा तरीका से प्लास्टिक में लपेट के थैली में राखल रहे। मामला के जांच जारी बा।
