महाराजगंज : बारिश नाइ होखले से परेशान महिला विधायक अउरी चेयरमैन के कीच से नहववली, जानी का बा मान्यता
जुलाई महीना में तेज गर्मी के चलते उत्तर प्रदेश के बहुत जिला में लोग के हालत खराब बा। महाराजगंज में बरखा ना होखे के चलते किसान भी परेशान बाड़े। इहाँ मानल जाला कि कवनो आदमी पर कीचड़ फेंक के भा ओकरा के नहा के भगवान इंद्र प्रसन्न होके जल्दी बरखा दे देलें। एही मान्यता के तहत मंगल के रात कजरी गीत गावत पिपरदेउरा गांव के महिला लोग सदर विधायक जय मंगल कन्नोजिया आ नगरपालिका अध्यक्ष कृष्ण गोपाल जायसवाल के कीचड़ से नहा दिहली। मेहरारू लोग कहल कि अब भगवान इंद्र खुश हो जइहें आ जल्दिए बरखा होखी.
एकरा संगे-संगे विधायक जय मंगल कन्नोजिया कहले कि तपत गर्मी में सभे चिंतित बाड़े। बरखा ना होखे के चलते बिरवा सूख रहल बा। सदर नगरपालिका के अध्यक्ष कृष्ण गोपाल जायसवाल के मानना बा कि पुरनका परम्परा में जवना तरह से ग्रामीण राजा लोग जब बरखा ना होखे त कजरी गीत गा के महाराज के नहवावत रहले, ओही परंपरा के तहत आज ग्रामीण महिला हमरा आ सदर विधायक के कीचड़ से नहा देले बाड़ी . तस्वीरन में देखल जा सकेला कि कइसे महिला कजरी गावत विधायक आ चेयरमैन के कीचड़ से नहवावत बाड़ी. ए दौरान दुनों नेता के खुशी-खुशी कीचड़ से नहात देखाई देतारे।
यूपी के 70 जिलन में औसत से कम बारिश
बताईं कि मानसून शुरू होखला के बावजूद उत्तर प्रदेश में अभी तक मात्र 72 मिमी बरखा भईल बा, जवन कि सामान्य से करीब 57 प्रतिशत कम बा। अबकी यूपी के 75 में से 70 जिला में औसत से कम बरखा भईल जवना के चलते खरीफ के फसल खराब होखे के खतरा बा। बरखा ना होखे के चलते खेत में रोपल धान के फसल सूखे लागल बा। एकरा चलते किसान के परेशानी होखता।
Comments are closed.