लोकसभा चुनाव 2024 जल्दिए खतम होखे वाला बा। देश के विभिन्न राज्यन में छह चरण के चुनाव खतम हो गइल बा. एकरा संगे अब एक जून के अंतिम चरण के चुनाव होई। यूपी में अंतिम चरण के चुनाव भी 1 जून के होई। हालांकि अंतिम चरण के मतदान से पहिले भी यूपी में समाजवादी पार्टी के बहुत बड़ झटका लागल बा। राज्य के बलिया जिला में पार्टी के दिग्गज नेता नारद राय सपा के अलविदा कs देले बाड़े।
नारद राय के हवें?
नारद राय जी तीन दशक से अधिका समय से राजनीति में बाड़े अवुरी उनुका के भूमिहार के बड़ नेता मानल जाला। अतवार के बलिया में अखिलेश यादव के रैली भईल जवना में नारद राय अखिलेश के रवैया पs नाराज हो गईले आज ओमप्रकाश राजभर के संगे नारद राय वाराणसी में अमित शाह से मुलाकात कईले। नारद राय सपा सरकार में मंत्री रहल आ विधायक रहल बाड़न.
हम राष्ट्रवादी विचारधारा के मजबूत करब – नारद राय
नारद राय केंद्रीय गृहमंत्री अमित शाह से मुलाकात के बाद एs बारे में जानकारी साझा कईले बाड़े। उ आगे क्बा पs कहले बाड़े “भारत के दुनिया में गौरवान्वित करे वाला प्रधानमंत्री नरेंद्र मोदी आ भारत के राजनीति के चाणक्य अमित शाह के संकल्प के मुताबिक समाज के अंतिम पंक्ति में रहे वाला गरीब के मजबूत करे के सोच अवुरी राष्ट्रवादी विचारधारा के मजबूत करब।”
सपा के खिलाफ विद्रोह करे से पहिले नारद राय अपना आवास पs अपना समर्थकन के रैली बोलवले रहले। उनुका मुलायम सिंह यादव के भी याद आ गईल। उs कहले रहले कि हम नेताजी के सेवक रहल बानी, नेताजी कहले रहले कि जदी उनुका जनता के इज्जत पs हमला हो गईल तs केहु से बगावत करीं बाकीर झुकिह मत। नेताजी जी, रउआ द्वारा दिहल गुरु मंत्र के हम अंतिम साँस ले याद रखब आ हमेशा अपना लोग खातिर लड़ब।
