लोकसभा चुनाव खातिर भारतीय जनता पार्टी अपना उम्मीदवारन के एगो आउर सूची जारी कs देले बिया। एमे राजस्थान के भीलवाड़ा लोकसभा सीट से दामोदर अग्रवाल के टिकट दिहल गइल बा। एकरा पहिले भाजपा बीतल दिन पार्टी अपना उम्मीदवारन के आठवां सूची जारी कइले रहे। एमे पंजाब के गुरदासपुर लोकसभा सीट से मवजूदा सांसद आ बॉलीवुड अभिनेता सनी देओल के टिकट काट दिहल गइल रहे। उनका जगह दिनेश सिंह के टिकट दिहल गइल रहे।
अब तक 412 उम्मीदवारन के एलान
भाजपा 543 सदस्यीय लोकसभा चुनाव खातिर अब तक 412 सीट पs आप उम्मीदवार के घोषणा कs देले बिया। लोकसभा के 543 सीट खातिर 19 अप्रिल से एक जून के बीच सात चरण में चुनाव होखे के बा। मतगणना चार जून के होई।
