Lok Sabha Chunav 2024 दिल्ली में लोकसभा सीट बंटवारा पऽ आम आदमी पार्टी आ कांग्रेस के बीचे बातचीत अंतिम चरण में बा। दिल्ली के 7 में से 4 गो लोकसभा सीटन पऽ आम आदमी पार्टी चुनाव लड़ सकत बिया। उहे कांग्रेस तीन गो सीटन पऽ आपन प्रत्याशी उतार सकत बिया। मानल जा रहल बा कि लोकसभा चुनाव अप्रैल-मई में हो सकऽत बा।
आगामी लोकसभा चुनाव में दिल्ली के सात सीटन पऽ आम आदमी पार्टी (आप) आ कांग्रेस गठबंधन में चुनाव लड़ सकत बिया। लोकसभा सीट शेयरिंग के लेके दुनु पार्टियन के बीचे बात बनत दिख रहल बा। बात इहो बा कि आप आ कांग्रेस के ओर से अबहीं ले एकर कवनो आधिकारिक एलान नइखे भइल।
के कहां से लड़ी चुनाव ?
समाचार एजेंसी के सूत्रन के हवाले से बिअफे के बतावल गइल कि लोकसभा चुनाव खातिर दिल्ली में सीट बंटवारा के लेके आप आ कांग्रेस के बीचे बातचीत अंतिम चरण में बा, दुनु पक्षन में जल्दिए अपना गठबंधन के लेके घोषणा हो सकत बा। दुनु पक्ष सीट पऽ प्रत्याशियन के लड़े के लेके सहमति जतावल गइल बा।
ए संबंध में आम आदमी पार्टी के सूत्रन के कहनाम बा कि दक्षिणी दिल्ली, पश्चिमी दिल्ली, उत्तर पश्चिम दिल्ली आ नवका दिल्ली के सीटन पऽ आप आपन उम्मीदवार उतारी। ओहिजा कांग्रेस दिल्ली के चांदनी चौक, पूर्वी दिल्ली आ उत्तर पूर्वी दिल्ली सीट पऽ आपन प्रत्याशियन के उतारी।
