भारत रत्न भारतीय जनता पार्टी के नेता आ देश के उपप्रधानमंत्री रहल लाल कृष्ण आडवाणी के दिहल जाई। एकर एलान करत प्रधानमंत्री नरेंद्र मोदी कहले कि उs हमनी के समय के सबसे सम्मानित राजनेता में से एक हवे। भारत के विकास में उनकर योगदान अविस्मरणीय बा। उनुकर जीवन जमीनी स्तर पs काम करे से लेके हमनी के उपप्रधानमंत्री के रूप में देश के सेवा करे तक शुरू होखेला। उs देश के गृहमंत्री अवुरी सूचना अवुरी प्रसारण मंत्री के रूप में भी आपन पहचान बना लेले। उनकर संसदीय हस्तक्षेप हमेशा से अनुकरणीय आ समृद्ध अंतर्दृष्टि से भरल रहल बा।
I am very happy to share that Shri LK Advani Ji will be conferred the Bharat Ratna. I also spoke to him and congratulated him on being conferred this honour. One of the most respected statesmen of our times, his contribution to the development of India is monumental. His is a… pic.twitter.com/Ya78qjJbPK
— Narendra Modi (@narendramodi) February 3, 2024
पीएम मोदी कहले कि सार्वजनिक जीवन में लालकृष्ण आडवाणी जी के दशकन से चलल सेवा में पारदर्शिता अवुरी अखंडता के प्रति अटूट प्रतिबद्धता के चिन्हित कईल गईल बा, जवन कि राजनीतिक नैतिकता में अनुकरणीय मानक तय कईले बा। राष्ट्रीय एकता आ सांस्कृतिक पुनरुत्थान के आगे बढ़ावे के दिशा में उहाँ के अनूठा प्रयास कइले बानी। भारत रत्न से उनुका के सम्मानित कइल हमरा खातिर बहुते भावुक पल बा। हम हमेशा आपन सौभाग्य मानब कि उनुका से बातचीत करे आ उनुका से सीखे के अनगिनत मउका मिलल।
