तमकुहीराज थाना क्षेत्र के पूर्वी ओवर ब्रिज चौराहा (हरिहरपुर) में चार बरिस पहिले एसबीआई के एटीएम लागल बा। एही एटीएम में 25 अक्तूबर के 28 लाख रुपया डारल गइल रहे। बियफ़े के सुबह केहू देखल कि एटीएम काटल गइल बा। एकरे बाद पुलिस मौका पर पहुंच गइल।
एसपी धवल जायसवाल बतवलें कि बुध के रात चोर सब एटीएम गैस कटर से काट के ही पैसा चुरा ले गइल बानें सब। सीसीटीवी कैमरा के अंदर अउर बाहर के वायर काट दिहल गइल बा। उहवें डीवीआर अपने साथ ले गइल बानें।। चोरन के पकड़े खातिर टीम गठित कर दीहल गइल बा। आसपास के सीसीटीवी के जांच कइल जा रहल बा। घटना के रात एटीएम के आसपास केतना मोबाइल संचालित रहल, एकर भी जांच कइल जा रहल बा।
Comments are closed.