खोराबर टाउनशिप के सीमा में मकान बनावे वाला लोग के पास के बहुमंजिला भवन में शिफ्ट कs दिहल जाई। एकरा खातिर ईडल्ब्यूएस श्रेणी में 20 प्रतिशत फ्लैट आवास आरक्षित कईल गईल बा। एकरा खातिर आवंटित लोग के 9.25 लाख रुपिया जमा करे के होई। प्रशासन के कहनाम बा कि कुछ लोग फ्लैट खातीर भी आवेदन कईले बाड़े। जीडीए अयीसन लोग के घर के मुआवजा भी दिही। एकरा बारे में एगो सर्वेक्षण भी कईल जाता।
जीडीए करीब 184 एकड़ क्षेत्र में खोराबर टाउनशिप अवुरी मेडिसिटी योजना शुरू कईले बिया। एकरा में से खोराबर टाउनशिप के विकास लगभग 109 एकड़ में हो रहल बा, जबकि मेडिसिटी के विकास 75 एकड़ में हो रहल बा। मुख्यमंत्री योगी आदित्यनाथ 28 मार्च के एह योजना के शुरुआत कइले रहले।
स्थानीय लोग एह इलाका में जमीन अधिग्रहण के विरोध कईले। पहिले लोग सीएम योगी आदित्यनाथ से मिल के आपन बात रखले रहले। एकरा बाद सीएम अधिकारी के निर्देश देले रहले कि केहु के बेघर मत बनावल जाए। प्रशासन के आवास के इंतजाम करावे के चाही अवुरी बातचीत से मामला के निपटारा करे के चाही।
एकरा बाद अधिकारी लोग के मंथन शुरू हो गईल अवुरी फैसला भईल कि सर्वेक्षण में अयीसन लोग के चिह्नित होखे के चाही, जेकर घर कालोनी में ना बालुक कुछ दूरी पs बनल बा। अब तक के जानकारी में करीब 40 से 50 घर के चिह्नित हो चुकल बा। एहमें से कुछ लोग बहुमंजिला भवन के एक ओर बनल ईडल्ब्यूएस श्रेणी के आवंटन खातिर भी सहमति देले बा। फ्लैट खातीर 9.25 लाख रुपया देवे के होई।
साभार- अमर उजाला
