Jammu-Kashmir Encounter: अनंतनाग एनकाउंट में कर्नल, मेजर, DSP शहीद; दु गो आतंकवादी ढेर
दक्षिण कश्मीर के अनंतनाग जिला में तलाशी अभियान के दौरान आतंकवादी सुरक्षा बल पs हमला कईले। सुरक्षा बल के इलाका में लुकाइल 3-4 आतंकी के जानकारी मिलल रहे। एकरा बाद उहाँ तलाशी अभियान चलावल गईल। छापामारी के दौरान आतंकी सुरक्षा बल पs गोलीबारी कईले, जवना के बाद मुठभेड़ शुरू हो गईल।
जम्मू कश्मीर के अनंतनाग (जम्मू-कश्मीर मुठभेड़) से बड़ खबर आवता दक्षिण कश्मीर के अनंतनाग जिला में तलाशी अभियान के दौरान आतंकवादी सुरक्षा बल पs हमला कईले। एह मुठभेड़ में सेना के दू गो अधिकारी आ एगो पुलिस अधिकारी शहीद हो गइल बाड़े। सेना के मुताबिक शहीद के पहचान कर्नल मनप्रीत सिंह, मेजर आशीष ढोंचक अवुरी डीएसपी हुमायूं भट्ट के रूप में भईल बा। कोकेरनाग इलाका के घना जंगल में आतंकियन के भारी गोलीबारी के बीच शहीद डीएसपी के लाश बरामद हो गइल बा। समाचार एजेंसी पीटीआई के मुताबिक एगो जवान लापता बा। मुठभेड़ में उ गंभीर रूप से घायल होखे के आशंका जतावल जाता। अनंतनाग के साथे राजौरी में भी काल्ह रात से मुठभेड़ चलत रहे। इहाँ के ऑपरेशन अब खतम हो गईल बा।
सेना के 15 कोर कमांडर लेफ्टिनेंट जनरल राजीव घई, जम्मू-कश्मीर पुलिस के महानिदेशक दिलबाग सिंह आ बहुते अधिकारी मुठभेड़ स्थल पs चहुँप के एह अभियान के निगरानी आ शहीदन के जानलेवा पार्थिव शरीर वापस ले आवे आ घायल जवानन के बचावे के काम कइले बाड़न।
सेना के कुकुर के मउत
एह अभियान में सेना के एगो कुकुर के भी मौत हो चुकल बा। सेना अधिकारी बतवले कि ए मुठभेड़ में शहीद भईल सेना के कुत्ता के नाम केंट ह। मुठभेड़ के दौरान उ अपना हैंडलर के बचा लेले अवुरी खुद शहीद हो गईल। केंट आतंकियन के खोजे खातिर सैनिकन के एगो यूनिट के नेतृत्व करत रहे। एह दौरान उनुका के गोली मार दिहल गईल।
राजौरी में भी चलता ऑपरेशन
जम्मू कश्मीर में पिछला 24 घंटा में सुरक्षा बल के आतंकियन से ई दुसरका मुठभेड़ बा। एकरा से पहिले राजौरी जिला में आतंकियन से मुठभेड़ के दौरान सेना के एगो जवान कार्रवाई में शहीद हो गईल रहे। जबकि 3 जवान घायल हो गईले। एह मुठभेड़ में सुरक्षा बल 2 आतंकी के भी हत्या कs देले बा। फिलहाल राजौरी में इ अभियान चलता।
Comments are closed.