28 सितंबर के संयुक्त राष्ट्र में प्रधानमंत्री नरेंद्र मोदी के संबोधन के कार्यक्रम में अचानक बदलाव आ गईल बा। बता दीं कि अब प्रधानमंत्री नरेंद्र मोदी एहिजा होखे वाला संयुक्त राष्ट्र महासभा के प्रस्तावित सत्र के दौरान सालाना आम बहस में भाषण ना दीहें. विदेश मंत्री एस जयशंकर अपना जगह के संबोधित करे के संभावना बा। संयुक्त राष्ट्र के ओर से जारी वक्ता के संशोधित प्रोविजनल सूची से इs बात सोझा आईल बा। प्रधानमंत्री एह महीना के आखिर में न्यूयार्क के दौरा करे वाला बाड़न.उनुकर योजना बा कि 22 सितंबर के लांग आइलैंड के 16,000 सीट वाला नासाउ वेटरंस मेमोरियल कोलिजियम में एगो भव्य कम्युनिटी इवेंट के संबोधित करीहे।
संयुक्त राष्ट्र के ओर से जुलाई में महासभा के 79वां अधिवेशन के आम बहस खातीर जारी वक्ता के एगो प्रोविजनल सूची में कहल गईल रहे कि मोदी 26 सितंबर के होखेवाला उच्च स्तरीय बहस में बयान दिहे। हालांकि शुक के जारी एगो संशोधित प्रोविजनल सूची के मुताबिक अब विदेश मंत्री जयशंकर मोदी के जगह 28 सितंबर के होखे वाला आम बहस में इs भाषण देवे के संभावना बा। एह सूची के साथे महासभा आ सम्मेलन प्रबंधन के उप महासचिव मूव्स एबेलियन के हस्ताक्षर वाला एगो नोट जारी कइल गइल बा जवना में कहल गइल बा कि वक्ता लोग के संशोधित सूची में “प्रतिनिधित्व के स्तर (‘उन्नयन’) में आइल बदलाव के ध्यान में राखल गइल बा. अपग्रेड’ आ ‘डाउनग्रेड’) के तइयार कइल गइल बा आ सदस्य देशन के बीच के आदान-प्रदान के दर्शावत बा.
