साक्षात्कार बोर्ड कहलस कि सिविल सेवा में मत जुड़ीं बाकिर ऊ अडिग रहली, पहिला महिला आईएएस अधिकारी के सफलता के कहानी
भारतीय प्रथम आईएएस अधिकारी अन्ना राजम मल्होत्रा : देश के पहिला महिला अधिकारी अन्ना राजम मल्होत्रा के जन्म केरल में भईल रहे। अन्ना राजम के जनम 17 जुलाई 1924 के केरल के एर्नाकुलम जिला में भइल रहे। आपन शुरुआती पढ़ाई कोझीकोड से कइली। एकरा बाद आगे के पढ़ाई खातिर चेन्नई में स्थित मद्रास विश्वविद्यालय से कइली। कॉलेज के बाद सिविल सेवा के तैयारी शुरू कईली।
साल 1951 में स्वतंत्र भारत में जब सिविल सेवा परीक्षा के रिजल्ट के घोषणा भईल त सफल छात्रा के सूची में एगो महिला के नाम रहे। महिला के सफलता के संगे इ घटना देश के इतिहास के पन्ना में हमेशा खातीर दर्ज भईल। सिविल सेवा परीक्षा पास करे वाला पहिला भारतीय गुरुदेव रवींद्र नाथ टैगोर के भाई सत्येन्द्र नाथ टैगोर रहले, लेकिन सिविल सेवा परीक्षा पास करे वाली पहिला भारतीय महिला अन्ना राजम मल्होत्रा रहली। अन्ना राजम मल्होत्रा के जनम 17 जुलाई 1924 के केरल के एर्नाकुलम जिला में भइल रहे। चेन्नई के मद्रास विश्वविद्यालय से पढ़ाई पूरा कइला का बाद प्रशासनिक सेवा में शामिल होखे के फैसला कइली आ सिविल सेवा के तइयारी शुरू कर दिहली | अपना मेहनत के बल पे पहिला प्रयास में 1951 में सिविल सेवा परीक्षा पास कइले| एह सफलता से देश के पहिला महिला आईएएस अधिकारी बन के इतिहास के पन्ना में आपन नाम दर्ज करा लिहली। अन्ना राजम मद्रास कैडर से प्रशिक्षण लेहली।
अन्ना राजम से जुड़ल ई कहानी काफी मशहूर बा
जब अन्ना राजम मल्होत्रा आईएएस के साक्षात्कार खातिर हाथ बढ़वले त बोर्ड के सदस्य उनुका के सिविल सेवा में ना आवे के सलाह देले। विदेश सेवा आ केन्द्रीय सेवा में कवनो दोसर विकल्प चुने के कहल गइल। लेकिन अन्ना अयीसन करे से इनकार क देली । अन्ना साक्षात्कार पास क लिहली लेकिन सेवा में ज्वाइन करत घरी नियुक्ति पत्र पे लिखल रहे कि बियाह भईला पे निलंबित कईल जा सकता। उ एकरा से परेशान ना रहली। कुछ साल बाद इ नियम बदल गईल, जेकरा बाद उ बियाह कइली |
इंदिरा से राजीव गांधी तक के सरकार सेवा अवधि में शामिल
अन्ना राजम अपना सेवा के दौरान देश के दु प्रधानमंत्री अउरी सात मुख्यमंत्री के संगे काम कईली। इनके सेवा काल में इंदिरा गांधी आ राजीव गांधी के शासन भी सामिल बा। 1982 में दिल्ली में एशियन गेम्स के आयोजन भइल। ओह दौरान अन्ना राजम मल्होत्रा एशियन गेम्स के प्रभारी के रूप में काम करत रहली। अन्ना राजम मल्होत्रा केंद्रीय गृह मंत्रालय में भी काम कइली ।
पद्म भूषण पुरस्कार से सम्मानित
रिटायरमेंट के बाद अन्ना राजम मल्होत्रा मशहूर होटल लीला वेंचर लिमिटेड के निदेशक के रूप में काम कईली। बाद में अन्ना राजम मल्होत्रा के देश के सेवा खातिर साल 1989 में भारत सरकार के ओर से पद्म भूषण पुरस्कार से सम्मानित कइल गइल।
