International Women’s day:नारी शक्ति सम्मान अलग अलग क्षेत्र में विशेष योगदान खातिर दिहल जाला, विस्तार से जानीं
अंतर्राष्ट्रीय महिला दिवस : हर साल 8 मार्च के ई महिला लोग के आर्थिक, राजनीतिक आ सामाजिक उपलब्धि आ कठिनाइयन के सापेक्षता के जश्न मनावे खातिर उत्सव के रूप में मनावल जाला, जबकि दुनिया के अलग-अलग इलाका सभ में औरतन के प्रति सम्मान, सराहना आ प्रेम के इजहार कइल जाला।
नारी शक्ति सम्मान आ पुरस्कार भारत सरकार के ओर से दिहल जाए वाला राष्ट्रीय सम्मान ह। ई पुरस्कार समाज में महिला के क्षेत्र में दिहल विशेष योगदान खातिर दिहल जाला। एह पुरस्कार का तहत एक लाख रुपिया आ एगो प्रमाणपत्र दिहल जाला जवन हर साल महिला दिवस का मौका पे दिहल जाला|
महिला के जीवन में बदलाव ले आवे खातिर सरकार कई तरह के प्रयास कर रहल बा। एक ओर जहाँ विभिन्न योजना के माध्यम से ओह लोग के आत्मनिर्भर बनावल जा रहल बा त दोसरा ओर विभिन्न प्रकार के पुरस्कार देके सराहनीय काम खातिर प्रेरित आ प्रोत्साहित कइल जा रहल बा। नारी शक्ति पुरस्कार भी अइसने एगो पुरस्कार बा। केंद्रीय महिला आ बाल विकास मंत्रालय से सम्मानित नारी शक्ति पुरस्कार के शुरुआत साल 1999 में भईल रहे। ई सम्मान 6 श्रेणी में दिहल जाला। ई पुरस्कार समाज में महिला लोग खातिर महत्वपूर्ण आ सकारात्मक बदलाव के प्रति व्यक्ति आ संस्था के असाधारण योगदान के सम्मान में दिहल जाला।
महिला सशक्तिकरण के क्षेत्र में काम करे वाला सभे व्यक्ति अवुरी संस्थान ए पुरस्कार खाती आवेदन क सकतारे। व्यक्तिगत श्रेणी में आवेदक के उम्र 25 साल तय कईल गईल बा, जबकि जदी आवेदक संस्था बा त ओकरा खाती महिला के क्षेत्र में 5 साल के काम के अनुभव होखल अनिवार्य बा।
ई सम्मान भारत के राष्ट्रपति द्वारा हर साल 8 मार्च के अंतर्राष्ट्रीय महिला दिवस के अवसर पर दिहल जाला। एह पुरस्कार का तहत एक लाख रुपिया आ प्रमाणपत्र दिहल जाला| साल 2012 में दिल्ली में सामूहिक बलात्कार के शिकार निर्भया के मरणोपरांत रानी लक्ष्मीबाई स्ट्री शक्ति पुरस्कार दिहल गईल रहे। ई सम्मान भारत के प्रख्यात महिला लोग के याद में रखल गइल बा आ निम्नलिखित श्रेणी में दिहल जाला-
• देवी अहिल्याबाई होलकर सम्मान : 18वीं सदी के मालवा शासक के नाम पर रखल गइल।
•कन्नागी सम्मान : प्रसिद्ध तमिल महिला कन्नगी के नाम पर रखल गइल।
• माता जीजाबाई सम्मान : 17वीं सदी में मराठा साम्राज्य के स्थापना करे वाली वीर शिवाजी के माता।
• रानी गिदालू सम्मान: 20वीं सदी के नागा स्वतंत्रता सेनानी के नाम पर रखल गइल।
• रानी लक्ष्मीबाई सम्मान : झांसी के प्रसिद्ध रानी आ स्वतंत्रता सेनानी रानी लक्ष्मीबाई के नाम पर रखल गइल बा।
• रानी रुद्रम्मा देवी सम्मान : दक्षिण के 13वीं सदी के शासक रुद्रम्मा देवी के नाम पर रखल गइल।
