खुफिया एजेंसी अब आतंकी गतिविधि में शामिल तारिक अतहर के नेटवर्क के जांच में लागल बिया। एलआईयू 16 लोग के सूची तइयार कईले बा, जवन कि उनुका संगे करीबी अवुरी संपर्क में बाड़े। उनकर हर हरकत पs नजर राखल जा रहल बा। कुछ लोगन से जल्दिए पूछताछ हो सकता।
तारिक के मामला में एलआईयू के नाकामी पs नाराजगी जतावत एडीजी अखिल कुमार सतर्कता बढ़ावे के निर्देश देले बाड़े। तारिक कोतवाली थाना से महज 300 मीटर दूर अपना घर में आराम से रहले अवुरी सोशल मीडिया के मदद से आतंक के जाल बनावत रहले। लेकिन, एलआईयू एकरा से पूरा तरीका से अनजान रहे। एह मामिला में अब एलआईयू के टीम एक-एक कदम फुक के चलत बिया।
असल में स्थानीय खुफिया एजेंसी पहिला बेर आतंकी गतिविधि में फेल नइखे भइल। एकरा से पहिले गोरखनाथ मंदिर पs हमला के मामला में गिरफ्तार संदिग्ध मुर्तजा हुसैन रहमानी के मामला में भी एलआईयू के कवनो सुराग ना रहे।
गोरखपुर से नेपाल गइला के बाद बांका के ले आके गोरखनाथ मंदिर में जवानन पs हमला कs दिहलस। बाद में जब उनुका के पकड़ल गईल अवुरी लखनऊ के टीम जांच शुरू कईलस त एक के बाद एक तथ्य सोझा आवे लागल। कुछ अइसने गलती अबकी बेर भी भइल बा। तारिक गोरखपुर में आराम से आपन नेटवर्क फइलावत रहले आ जब लखनऊ एटीएस उनका के पकड़ लिहलस त गोरखपुर के एलआईयू के एह बारे में पता चलल।
तारिक लखनऊ से पकड़ाइल रहे
गोरखपुर के कोतवाली इलाका के निवासी तारिक अतहर के एटीएस 7 जुलाई के लखनऊ से गिरफ्तार कईले रहे। पूछताछ के दौरान पता चलल कि उ आतंकी गतिविधि में शामिल बाड़े, जवना के बाद एटीएस तारिक के जेल भेज देलस। कोतवाली पुलिस तारिक के पिता के बयान भी दर्ज क लेले रहे। अब एटीएस पूछताछ के आधार पs जांच के आगे बढ़ा रहल बा।
साभार- अमर उजाला
