भारतीय टीम के विकेटकीपर बल्लेबाज केएस भारत अब अंग्रेजी धरती पs क्रिकेट खेलत लउकीहें. ऊ लंदन के डलविच क्रिकेट क्लब से सरे चैम्पियनशिप 2025 खातिर समझौता कइले बाड़न. अब डुलविच क्रिकेट टीम खातिर खेलीहें. क्रिकेट एजेंसी अपना इंस्टाग्राम पs इs जानकारी देले बिया। ऋषभ पंत के टेस्ट क्रिकेट में वापसी के बाद टीम इंडिया में उनुकर जगह मुश्किल हो गईल। एही कारण से अब ऊ सरे चैम्पियनशिप में खेले के फैसला कs लिहले बाड़न. ई तय बा कि उनुका अइला से डुलविच क्रिकेट टीम के फायदा होखी काहे कि उनुका फ्रेंचाइजी क्रिकेट आ भारतीय टीम खातिर खेले दुनु के अनुभव बा.
13 महीना पहिले भारत खातिर खेलल गइल आखिरी टेस्ट मैच
विकेटकीपर बल्लेबाज केएस भारत साल 2023 में भारतीय टीम खातिर टेस्ट क्रिकेट के शुरुआत कइले रहले. एकरा बाद उs 7 टेस्ट मैच में 221 रन बनवले। एह दौरान उनकर सबले बेसी स्कोर 44 रन रहल. ऊ विश्व टेस्ट चैम्पियनशिप 2023 के फाइनल में आस्ट्रेलिया के खिलाफ विकेटकीपिंग के जिम्मेदारी लिहलन. बाकिर तब ऊ बल्लेबाजी के साथे कवनो खास योगदान ना दे पवले. उs 5 आ 23 रन के पारी खेलले। उs भारतीय टीम खातिर आपन आखिरी टेस्ट मैच फरवरी 2024 में खेलले रहले। ओकरा बाद से ऊ टीम इंडिया से बाहर हो गइल बाड़न.
घरेलू क्रिकेट में तिगुना शतक बनवले बाड़े
हो सकेला कि अंतर्राष्ट्रीय क्रिकेट में उनुकर प्रदर्शन बढ़िया ना भइल होखे बाकिर घरेलू क्रिकेट में उनुकर रिकार्ड बहुते बढ़िया रहल बा. अबहीं ले ऊ 105 गो फर्स्ट क्लास मैच में 5686 रन बनवले बाड़न जवना में ऊ दस गो शतक आ 32 गो हाफ शतक बनवले बाड़न. एकरा अलावे उs 76 लिस्ट-ए मैच में 2502 रन बनवले बाड़े। साल 2015 में रणजी ट्रॉफी में भी तिगुना शतक बनवले रहले। फर्स्ट क्लास क्रिकेट में उनकर सबसे ज्यादा स्कोर 308 रन रहल बा।
