आजो देश के कई हिस्सा में भारी बारिश जारी रही। मौसम विभाग के मुताबिक अगिला 24 घंटा में उत्तराखंड अवुरी हिमाचल प्रदेश में भारी बरखा हो सकता। जम्मू-कश्मीर, उत्तर प्रदेश, पंजाब, हरियाणा-चंडीगढ़-दिल्ली, पश्चिमी राजस्थान में छिटपुट से व्यापक बरखा के संभावना बा। मौसम विभाग के कहल बा कि 10 से 14 अगस्त ले हिमाचल आ उत्तराखंड में भारी बरखा के संभावना बा.
मौसम विभाग के ओर से दिहल जानकारी के मुताबिक पश्चिम राजस्थान में 9 से 14 अगस्त ले भारी बरखा होई। जबकि 10 अगस्त के पंजाब, जम्मू-कश्मीर, लद्दाख-गिलगित-बाल्टिस्तान-मुजफ्फराबाद के कुछ जगहा पs भारी बरखा के संभावना बा। एकरा संगे यूपी अवुरी बिहार में 12 अगस्त ले बरखा हो सकता। भारी बरखा के चलते यूपी अवुरी बिहार के बहुत नदी में बाढ़ आ गईल बा
बिहार में भारी बरखा के चलते कईगो नदी मे बाढ़
पछिला 24 घंटा में बिहार के अलग-अलग हिस्सा में लगातार होखत बरखा के चलते बागमती, गंडक, गंगा, कमला बलान अवुरी कोसी समेत राज्य के अवुरी प्रमुख नदी के पानी के स्तर लगातार बढ़ता। गांधी घाट अवुरी ओकरा आसपास के पटना शहर में गंगा नदी खतरा के निशान से ऊपर बहत बिया अवुरी सुक के उs 48.60 मीटर के खतरा के निशान के छू गईल।
बिहार आपदा प्रबंधन विभाग के अधिकारी के मुताबिक अगिला 24 घंटा में अररिया, अरवल, बांका, बेगूसराय, भागलपुर, बक्सर, दरभंगा, पूर्वी चंपारण, गोपालगंज, जमुई, खगड़िया, किशनगंज, लखीसराय, मधुबनी, मुंगेर, नालंदा, नवादा, पटना, पूर्णिया, रोहतास, समस्तीपुर आदि जिला में हल्का से मध्यम बरखा के संभावना बा।
हिमाचल के कुछ जगह पs बाढ़ के चेतावनी
अगिला चौबीस घंटा में सिरमौर, चंबा, शिमला, कुल्लू अवुरी मंडी जिला के अलग-अलग हिस्सा में हल्का से मध्यम बाढ़ के खतरा के बारे में भी हिमाचल प्रदेश चेतावनी देले बा। बुध से राज्य में भईल बरखा के चलते मंडी के 37, शिमला के 29, कुल्लू के 26, कांगड़ा के 6, किन्नौर अवुरी लाहौल अवुरी स्पीति में चार-चार, सिरमौर के दु अवुरी हमीरपुर जिला के एक समेत कुल 109 सड़क बंद बा .
राजस्थान के एह इलाकन में आजु बरखा होखी
राजस्थान के कई इलाका में भारी बरखा जारी बा। मौसम विभाग पूर्वी राजस्थान के कई जगहा अगिला पांच-सात दिन ले मध्यम बरखा के अनुमान लगवले बा। एह दौरान कुछ जगहा पs भारी बरखा के संभावना बा। बीकानेर आ जोधपुर मंडल के कुछ हिस्सा में 9-10 अगस्त ले बरखा के गतिविधि बढ़े के संभावना बा।
