अगर रउरा नैनीताल घूमे जात बानी त हल्द्वानी-काठगोदाम से आगे बढ़ते स्थानीय लोग के स्वीट कॉर्न बेचत देखाई दिही। नैनीताल आवे वाला हर पर्यटक एह मकई के स्वाद लिहले बिना ना निकलेला। पर्यटकन के पहाड़ के स्वाद वाला स्वीट कॉर्न भी पसंद आ रहल बा। स्वीट कॉर्न के आग में पकावल जाला आ पर्यटकन के मक्खन, पहाड़ी नमक भा खास चटनी के साथ परोसल जाला। कम लौ में पकावल स्वीट कॉर्न पहाड़ी चटनी से अउरी स्वादिष्ट हो जाला।
नैनीताल रोड के स्थानीय दोकानदार सुरेश सिंह जीना बतवले कि पहाड़ के भुट्टा खाए में नरम अवुरी मीठ होखेला। हमनी के कोयला भा लकड़ी पे भुन के जनता के खियावेनी जा। एकरा के पर्यटकन के मकई पे पहाड़ी नमक आ विशेष चटनी लगा के परोसल जाला। उ आगे कहले कि भले ही स्वीट कॉर्न पानी में उबाल के खाइल जाला, लेकिन आग में पकावे से एकर स्वाद अवुरी बढ़ जाला। नैनीताल आवे वाला हर पर्यटक के मकई के स्वाद जरूर मिलेला।
स्वीट कॉर्न के खास चटनी के संगे परोसल जाला
इहाँ के खास चटनी पहाड़ी मकई के अउरी स्वादिष्ट बनावेला। ई चटनी मिक्सी में ना बलुक पुरान तरीका से मने कि सिल बट्टे पे पीसल जाला। चटनी में हरियर धनिया, पुदीना, नमक, लहसुन, नींबू, जीरा आदि मिलावल जाला। ई सब चीज गाँव के खेत में ही उगावल जैविक बा। एक बेर केहू एह चटनी से मकई के स्वाद ले लेला त फेर मकई जरूर मांगेला। सुरेश जीना के कहनाम बा कि उनुका लगे बहुत ग्राहक आवेले, जवन एक बेर में बहुत भुट्टा खा जाले। भुट्टा के आग में पका के आ पहाड़ी चटनी के इस्तेमाल से एकर स्वाद अउरी बढ़ जाला। एक भुट्टा के लागत 20 रुपया हो जाता।
