आसनसोल के जमुरिया के जादूडांगा इलाका में एगो फैक्ट्री में भारी आग लाग गइल बा। मउका पs बहुत फायर टेंडर मौजूद बा अवुरी आग बुझावे के काम चलता। हालांकि आग कईसे लागल एकर कारण अबे ले पता नईखे चलल, लेकिन फिलहाल कवनो जानमाल के नुकसान के कवनो खबर नईखे।
#WATCH | West Bengal | A massive fire breaks out in a factory in Jadudanga area of Jamuria in Asansol. Fire tenders are present at the spot and fire-fighting operations are underway. pic.twitter.com/p7cP2pBqPQ
— ANI (@ANI) February 24, 2024
मिलल जानकारी के मुताबिक जमुरिया के जादूडांगा में एगो फैक्ट्री में अचानक आग लगला से इलाका में अराजकता पैदा हो गईल बा। बतावल जाता कि इs फैक्ट्री पेट्रो प्रोडक्ट्स के हs, जहां पीपी फोम के उत्पादन भईल रहे। शिल्पांचल के ड्रीम पॉलीपैक नाम के एह कारखाना के गोदाम में शनिचर के सबेरे आग लाग गइल। आग एतना तेज रहे कि ओकर लपट आसमान के ओर उठत रहे। एह दौरान आग से निकले वाला धुँआ के बादल आसमान में लउक बा।
बता दीं कि पश्चिम बंगाल में आगजनी के घटना तेजी से बढ़ल बा। अबे कुछ दिन पहिले पश्चिम बंगाल के हावड़ा के घुसुड़ी इलाका में प्लास्टिक के फैक्ट्री में भारी आग लाग गईल रहे। फैक्ट्री के आग से निकलत धुआं अवुरी आग के लपट देख के लोग दमकल विभाग के सूचना देले रहले।
