उत्तर प्रदेश के मथुरा में एगो भयानक हादसा हो गईल। डबल डेकर बस के नियंत्रण खो के मथुरा के महावन इलाका के सीमा में यमुना एक्सप्रेसवे पs डिवाइडर से टकरा गईल। एs दौरान पीछे से आवत स्विफ्ट कार बस से टकरा गईल। टक्कर के संगे बस के डीजल टंकी में आग लाग गईल। गाड़ी में सवार पांच लोग के उतरे के मउका ना मिलल। आग लगला में कार के भीतर पांच लोग के मउत हो गईल।
डीएम अवुरी एसएसपी मौका पs पहुंच गईल बाड़े। मरेवाला लोग के पहचान करे के कोशिश कईल जाता। डबल डेकर बस में करीब 50 यात्री रहले। दुर्घटना में घाही कुछ यात्री के इलाज खातीर भेज दिहल गईल। बतावल जाता कि बस से यात्री कूद के आपन जान बचावे में कामयाब हो गईले, लेकिन गाड़ी में सवार लोग के मउका ना मिलल। उs गाड़ी के भीतर जिंदा जर गईले।
