Ambanis के NMACC इवेंट पs मेहमानन के मिलल ₹500 के नोटन वाली मिठाई, लोग कहलस- ‘दौलत के चाट’

अत्याधुनिक नीता मुकेश अंबानी सांस्कृतिक केंद्र (NMACC) के उद्घाटन कार्यक्रम में एक संगे थाली में चकाचौंध आ ग्लैमर परोस दिहल गइल। जी हs…! हॉलीवुड से लेके बॉलीवुड के प्रमुख शख्सियतन तक- कला के क्षेत्र में समृद्ध सांस्कृतिक स्थान के जश्न मनावे खातिर अंबानी हर प्रभावशाली व्यक्ति के एगो मंच पs ले आके खड़ा कइलें, जवन लोगन के ध्यान खूबे खींचलस। आ ई हमनी के एह बारे में सोचे पs मजबूर कs देलस कि एगो इवेंट खातिर मेन्यू में का रहे जवना के भारत के मेट गाला करार दिहल जा सकत होखे।

हाले में बॉलीवुड एक्ट्रेस श्रद्धा कपूर एह इवेंट में पहुंचल रहली, जहां से ऊ अपना डिनर के एगो तस्वीर साझा कइली जवन भरल रहे। चांदी के थाली में परोसल गइल, तरे-तरे के करी, दाल मखनी, पालक पनीर, भाकरी रोटी आ का-का ना रहे। उहो एके प्लेट में जवना के देख के साफ पता चलल की अंबानीज अपना एह इवेंट में खातिरदारी के कवनो कमी ना छोड़ले रहे लो।

द फैबुलस लाइव्स ऑफ बॉलीवुड वाइव्स के महीप कपूरो NMACC डिनर में परोसल गइल भोजन के एगो तस्वीर साझा कइलें। साथ में घुघरा, चूरमा लड्डू आ पापड़ परोसल गइल। मिठाइयो कम ना रहे। बढ़िया ‘आमरस’ आ एगो गुलाबी गुलाबी हलवा रहे। मेहमान लोगन के एक ग्लास वाइन परोसल गइल। जर्मन ब्लॉगर कैरोलिन डौर सानदार थाली के एगो तस्वीर साझा कइली।

NMACC मेनू में रहे मसाला!

गिगी हदीद अपना इंस्टाग्राम स्टोरी पs डिनर से एगो स्निपेट साझा कइलें। ऊ साझा कइलें कि कइसे एगो वर्ग में तीन प्रकार के चटनी रहे- मीठ आम के चटनी, पुदीना के चटनी आ मसालेदार आम के अचार। हमार मतलब बा, एकरा से आउर केतना देसी मिल सकत बा ?

Middle class me: waiting for guests to leave so i can eat leftover snacks & sweets.

Ambani’s offering sweets to guests: pic.twitter.com/oCJ1qMlR3q

— Shubh (@kadaipaneeeer) April 2, 2023

डेसर्ट

अंतरराष्ट्रीय फोटोग्राफर जर्मन लार्किन दौलत के चाट के एगो तस्वीर साझा कइलें आ हम रउआ सभे के बता दीं, एकरा के ₹500 के नोटन से सजावल गइल रहे। ई बिल्कुल ओइसने लागत रहे जइसे दिल्ली के लोधीज में परोसल जाला।

5032710cookie-checkAmbanis के NMACC इवेंट पs मेहमानन के मिलल ₹500 के नोटन वाली मिठाई, लोग कहलस- ‘दौलत के चाट’no