ठंड के समस्या अउरी बढ़े वाला बा। अबे पूरब के हवा से लोग सिहर गईल बा। मौसम विभाग के अनुमान बा कि 19 जनवरी से पश्चिमी हवा के चलते न्यूनतम तापमान में अब से जादे गिरावट आई। अगर पारा अवुरी गिर गईल तs रात में जम के ठंडा महसूस होई। एह कंपकंपी वाला मौसम 22 जनवरी ले चले के उमेद बा।
बुध के दिन बहुत ठंडा रहे। हालांकि रात के तापमान सामान्य से एक डिग्री ऊपर रहे एहसे जाड़ा में कवनो खास दर्द ना भईल। मौसम विभाग के मुताबिक बुध के दिन में अधिकतम तापमान 14 डिग्री सेल्सियस दर्ज भईल, जवन कि सामान्य से 6 डिग्री सेल्सियस कम रहे। जवना के चलते दिन भर ठंड के चलते लोग सिहरत देखाई देले।
बुध के पांचवा दिन सूर्य भगवान के अनुपस्थिति के चलते बेहद ठंड बनल रहे। हालांकि रात में आ सबेरे कोहरा कम रहे। 600 मीटर के दृश्यता दर्ज कइल गइल। न्यूनतम तापमान 9.7 डिग्री सेल्सियस दर्ज कइल गइल। जवन सामान्य से एक डिग्री सेल्सियस अधिका बा। जवना के चलते रात में ठंड से कुछ राहत मिलेला।
मौसम विभाग बीयफ़ें ले रात में जाड़ा अवुरी कोहरा से कुछ राहत मिले के उम्मेद जतवले बा। एकरा पीछे के कारण आजुकाल्हु पूरब के हवा बहत बतावल जात बा। 19 जनवरी से पश्चिमी हवा के चलते न्यूनतम तापमान में फेर से गिरावट आवे के संभावना बा। दिन के साथे रात में भी तापमान गिरला के कारण ठंडा बढ़ला के साथ कोहरा बनल रह सकेला।
मौसम वैज्ञानिक अतुल कुमार सिंह बतवले कि 22 जनवरी तक पश्चिमी हवा के चलते दिन-रात ठंडा के संगे कोहरा रही। गोरखपुर आ एकरे आसपास के इलाका येलो जोन में बा। अधिकतम तापमान 17 डिग्री के आसपास आ न्यूनतम आठ डिग्री के आसपास रही।
