देश में हिट एंड रन केस के लेके मोटर वाहन अधिनियम में भईल संशोधन के खिलाफ पूरा देश में हड़ताल शुरू कs देले बाड़े। राज्य के सीमेंट कंपनी एसीसी, अम्बुजा अवुरी अल्ट्राटेक के 10,800 ट्रक संचालक हड़ताल पs रहले। 3 जनवरी ले सड़क जाम कs के केंद्र सरकार के विरोध करी। ट्रक संचालक के हड़ताल के चलते सीमेंट के आपूर्ति बंद हो गईल बा। देश भर में तीन दिन के हड़ताल के चलते गोरखपुर में डीजल, पेट्रोल अवुरी खाना बनावे के गैस के भी संकट बा।
गोरखपुर में सबेरे से ड्राइवरन के घंटन कतार में खड़ा होखे के पड़ल बा। सबेरे 8:00 बजे के बाद कतार में खड़ा गाड़ियन के दुपहरिया 12:00 बजे ले भी डीजल पेट्रोल ना मिलल। जवना के चलते ड्राइवर बहुत परेशान बाड़े। मंगल के गोरखपुर के सब पेट्रोल पंप पs जहां लोग कतार में खड़ा बाड़े। एकरा चलते यातायात बाधित बा।
तेल के आपूर्ति ना मिलला के चलते पेट्रोल पंप पs डीजल अवुरी पेट्रोल खातीर कतार बनता। बाहर से राज्य घूमे आइल पर्यटकन के घरे लवटे खातिर वाहन के ईंधन नइखे मिलत। कम स्टॉक के चलते पंप पs पर्याप्त तेल नईखे मिलत। कई गो डिपो में नाममात्र के स्टॉक बाचल बा।
पेट्रोल पंप पर भारी भीड़
मंगल के पेट्रोल पंप पs तेल भरे खाती भारी भीड़ रहे। लमहर कतार के चलते स्थिति पैदा हो गईल बा। पेट्रोल पंप पs 500 रुपिया से बेसी के तेल की आपूर्ति नइखे होत। एकरा चलते लोग ,कर्मचारी से परेशानी में पड़ गईले। बालू आ गिट्टी के आपूर्ति भी बंद हो गईल बा। जहाँ पेट्रोल आ डीजल बा ओहिजा आधा किलोमीटर तक के लाइन लागल बा।
