मऊ जिला के दोहरीघाट निवासी एगो आदमी बैंक में क्लर्क बनवले के नाम पर जालसाजी के शिकार हो गइनें। नौकरी के लालच में ऊ ढाई लाख रुपया गवां दिहलें। नियुक्ति पत्र ले के बैंक पहुंचले के बाद उनके अपने साथ ठगी के जानकारी मिलल।
बुध के कस्बा स्थित बैंक ऑफ बड़ौदा में मऊ जनपद के दोहरीघाट निवासी अशोक कुमार सोनकर बैंक क्लर्क पद पर नियुक्ति खातिर लेटर ले के बैंक के शाखा प्रबंधक गुंजन श्रीवास्तव के पास पहुंचलें।
शाखा प्रबंधक छानबीन कsके बतवनें कि एह तरह के बैंक में भर्ती संबंधी कौनो सूचना नइखे अउर ई लेटर फर्जी ह। फर्जी लेटर के नाम सुनतही युवक अशोक सोनकर के होश उड़ गइल।
ऊ बतवलें कि बैंक में नौकरी के नाम पर मऊ जनपद के नदवासराय भेलउर चंगेरी निवासी एगो आदमी अउर देवरिया जनपद के सोनूघाट रुद्रपुर निवासी एगो आदमी ढाई लाख रुपये ले के ज्वाइनिंग लेटर दिहले रहे। हालांकि, फिलहाल बड़हलगंज पुलिस अइसन कौनो शिकायत के सूचना मिलले से इंकार कइले बा।
