चुनाव खत्म होइते CM सिटी में बढ़ल क्राइम ग्राफ

गोरखपुर में 12 दिन में 7 हत्या, 5 ठो लाश मिलल, DGP लेहने अधिकारियन के क्लास

By Khabar Bhojpuri Desk On Mar 23, 2022

गोरखपुर में विधानसभा चुनाव के मतगणना के बाद अपराधी ताबड़तोड़ वारदात के अंजाम दे रहल बाने। आए दिन मर्डर, लूट, चेन स्नैचिंग के वारदात हो रहल बा। लाश के मिलले के सिलसिला बढ़ गइल बा। बढ़त अपराध के बाद मंगलवार के साँझ डीजीपी वीडियो कांफ्रेसिंग के जरिए गोरखपुर एडीजी जोन अखिल कुमार, डीआईजी गोरखपुर जे रविंद्र गौड़, बस्ती आईजी राजेश डी मोदक, देवीपाटन रेंज के डीआईजी के संगे बैठके कइने। डीजीपी एह चुनाव के बाद अब ले भइल अपराध, पुलिस के ओर से कइल गइल गैंगस्टर, जब्तीकेण अउर गुंडा एक्ट के कारवाही पs फीडबैक लेहने।

12 दिन में 7 लोगन के हत्या से हड़कंप
पिछला 12 दिन यानि 10 मार्च से ले के 22 मार्च ले जिला में हत्या के 6 वारदात भइल। एमें 7 लोग आपन जान गववने। कई हत्या में आरोपितन के पुलिस पकड़ लेहलस, लेकिन अभीन ले साधु के हत्या में पीपीगंज पुलिस खाली हाथ बा।

जिले में 5 लोग के लाशो मिलल रहल, उनकरे हत्या के आशंका जतावल जा रहल बा। एकरे अलावा चेन स्नैचिंग, लूट के 5 घटना भइल बा। अपराधियन के हौसला एतना बुलंद बा कि डीआईजी बंगला के समनवे महिला पुलिसकर्मी से मोबाइल लूट लिया। महिला पुलिसकर्मी एडीजी कैंपस में रहत बाड़ी अउर डीआईजी कार्यालय में दीवान के पद पs बा।

ई हत्या भइल