WordPress database error: [Table 'khabarbh_sdlkopui3678.wp_post_views' doesn't exist]SELECT SUM(count) AS views FROM wp_post_views WHERE id IN (23662) AND type = 4
गोरखनाथ मंदिर पs भइल हमला आतंकी साजिस रहे। एडीजी लॉ एंड ऑर्डर प्रशांत कुमार एह बात के कहले। ऊ बतवले कि अब तक का जांच में जवन तथ्य सोझा आइल बा ओकरा आधार पs ई कहल जा सकत बा कि ई आतंकी घटना हs। प्रशांत कुमार इहो कहले कि हमलावर अहमद मुर्तजा अब्बासी के लगे से जवन चीझ आ दस्तावेज मिलल बा, ओकरा के देख के ई लागत बा कि ई बड़ साजिस के तइयारी रहे।
काहेकि, ऊ दस्तावेज बहुते सनसनीखेज बा। एहिसे पूरा ममिला के जांच एटीएस आ एसटीएफ के सउपल गइल बा। एह ममिला में महराजगंज से दु गो संदिग्धन के हिरासत में लिहल गइल बा। बतावल जा रहल बा कि धराइल इहे दुनो नवहा मुर्तजा के बाइक से मंदिर के गेट पs छोड़ले रह सs।
