उत्तर भारत में घना कोहरा के चलते गोरखपुर से आवे जाए वाली सभ ट्रेन के संचालन प्रभावित भईल बा। शाम के सबेरे के ट्रेन जब गोरखधाम पहुंचल तs वैशाली, बिहार संपर्क क्रांति समेत अवुरी बहुत ट्रेन घंटा देर से गोरखपुर पहुंचल। इहाँ से निकले वाली ट्रेन के हालत कमोवेश उहे रहे। ट्रेन में देरी अवुरी बस हड़ताल के चलते लोग के बहुत परेशानी के सामना करे के पड़ल।
सोमवार के भी दिल्ली से आवे वाली ट्रेन लेट रहे। गोरखधाम एक्सप्रेस सुबह 9:45 बजे के बजाय शाम 6 बजे गोरखपुर स्टेशन पहुंचल। वैशाली एक्सप्रेस भी सबेरे 9:20 बजे के बजाय रात 12:30 बजे गोरखपुर पहुंचल। एही तरे बिहार संपर्क क्रांति भी रात के 12:55 के बजाय सबेरे 07 बजे पहुंच गईल। दिल्ली के अलावे मुंबई आवे जाए वाली ट्रेन पs भी कोहरा के असर पड़ता।
मुंबई से आवे वाला काशी एक्सप्रेस सात घंटा लेट चल रहल बा। इ ट्रेन सोमवार के सांझ के करीब 6 बजे गोरखपुर पहुंचे के रहे, लेकिन रात में सबेरे 1 बजे के बाद पहुंचे के उम्मीद रहे। गोरखपुर की ओर जाए वाली काशी एक्सप्रेस भी लगभग 5 घंटा के देरी के साथ रवाना हो गइल।
