राजस्थान के नयका मुख्यमंत्री भजनलाल शर्मा के संगे एक के बाद एक घटना होखता। काल्हु जेल में बंद आरोपी ओकरा के जान से मारे के धमकी दिहलस। अब खबर आईल बा कि पछिला मंगल के जब उs दिल्ली गईल रहले तs उनुका कमरा में आग लाग गईल। आधा रात के सीएम के कमरा में आग लाग गईल, जवना के बाद उनुका घंटी बजा के सुरक्षाकर्मी के फोन करे के पड़ल। ओकरा बाद जल्दी से आग बुझ गईल। मामिला के जांच खातीर समिति भी बनावल गईल बा।
दुर्घटना कईसे भईल?
अबे ले मिलल जानकारी के मुताबिक मंगल के रात सीएम भजनलाल दिल्ली में रहले। उ रात में दिल्ली के जोधपुर हाउस में ठहरल रहले। उनुका कमरा में लागल हीटर के इलेक्ट्रिक प्लग में शार्ट सर्किट के चलते आग लाग गईल। रात के 2 बजे प्लग से धुआं निकले लागल, जवना के देख के सीएम बेल बजा दिहले अवुरी सुरक्षाकर्मी आग बुता देले। ए मामिला में एगो जूनियर इंजीनियर के निलंबित कs के मामिला के जांच खातीर समिति बनावल गईल बा।
इहाँ ले कि जान से मारे के धमकी भी दिहल गईल
राजस्थान के नवनिर्वाचित मुख्यमंत्री भजन लाल शर्मा के जान से मारे के धमकी भी दिहल गईल बा। पुलिस कंट्रोल रूम में सीएम भजन लाल के जान से मारे के धमकी देत फोन आईल। पुलिस जल्दी से फोन करेवाला के लोकेशन के पता लगा लेलस अवुरी पाता चलल कि फोन जेल से भईल बा। एह मामिला में जेल प्रशासन के दू गो वार्डन के निलंबित कs दिहल गइल बा।
जयपुर केन्द्रीय जेल से मिलल धमकी
अबे ले मिलल जानकारी के मुताबिक सीएम भजनलाल शर्मा के जान से मारे के धमकी देवे वाला फोन जयपुर केंद्रीय जेल से आईल रहे। लोकेशन से मिलल जानकारी के मुताबिक, धमकी देवे वाला आरोपी पोक्सो एक्ट के तहत केंद्रीय जेल में सजा काटत कैदी के पता चलल। पिछला 5 साल से जेल में बंद बाड़े अवुरी मानसिक अस्पताल में भी इलाज चलता।
Comments are closed.