FIFA विश्वकप: फीफा विश्व कप में चउथे दिन भी चार मुकाबिला, आजु अपने अभियान के शुरुआत करी जर्मनी के टीम

फीफा विश्व कप 2022 के आजु चउथा दिन ह। चउथे दिन भी एह टूर्नामेंट में चार मुकाबिला खेलल जाई। आजु ग्रुप-एफ अउर ग्रुप-ई के टीम एक्शन में होई। पहिला मैच मोरक्को अउर क्रोएशिया के बीचे होई। एकरे बाद जर्मनी के सामना जापान से बा। ग्रुप ई के तीसरे मैच में स्पेन के सोझे कोस्ट रिका के चुनौती होई। उहवें, दिन के आखिरी मुकाबला बेल्जियम अउर कनाडा के बीच बा।

पिछले विश्व कप में फाइनल तक के सफर तय करे वाली क्रोएशिया के टीम मोरक्को के खिलाफ जीत के साथ अपने अभियान के शुरुआत कइल चाही। ग्रुप एफ में एह दू टीमन के अलावा बेल्जियम अउर कनाडा के टीम बा। ई दूनों टीम भी साँझ के समय आपस में भिड़ी।