गोपालगंज के अलग-अलग थाना क्षेत्रन में शराब के खिलाफ उत्पाद विभाग के टीम विशेष अभियान चलाके कुल 47 लोगन के शराब पीये आ बेचे के ममिला में गिरफ्तार कइले बा। गिरफ्तार अभियुक्तन के खिलाफ उत्पाद विभाग उत्पाद अधिनियम के तहत ममिला दर्ज कs के न्यायिक हिरासत में भेज देले बा।।
अभी लगातार जारी रही कार्रवाई
उत्पाद विभाग के एह कार्रवाई में शराब पीये के आरोप में 33 आ शराब बेचे के आरोप में 14 कुल 47 आरोपियन के गिरफ्तारी भइल। एकरा खातिर अलग-अलग जगहन पs छापेमारी कइल गइल। एह संदर्भ में उत्पाद अधीक्षक राकेश कुमार बतवलें कि नोडल रेड के तहत कुल 47 लोगन के गिरफ्तार कs के उत्पाद अधिनियम के तहत ममिला दर्ज कइल गइल बा। कार्रवाई करत न्यायिक हिरासत में भेज दिहल गइल बा। अभी एह तरे के कार्रवाई लगातार जारी रही।
