पंजाब के उपमुख्यमंत्री रहल सुखबीर सिंह बादल के अकाल तख्त कड़ा सजा सुनवले बा. बादल के संगे शिरोमणि अकाली दल सरकार के दौरान कैबिनेट के बाकी सदस्यन के भी सजा सुनावल गईल बा। एह सजा के हिस्सा के तौर पs एs सभ लोग के स्वर्ण मंदिर अमृतसर में ‘सेवादार’ के रूप में सेवा देवे अवुरी गंदा बर्तन अवुरी जूता साफ करे के आदेश दिहल गईल बा। जत्थेदार ज्ञानी रघबीर सिंह अकाल तख्त के ‘फसील’ (मंच) से इs आदेश देले बाड़े। एह सजा के एलान के बाद शिरोमणि अकाली दल के कार्यसमिति सुखबीर बादल के पार्टी अध्यक्ष पद से इस्तीफा देवे के मांग कईलस।
तनखैया घोषित कइल गइल
सुखबीर सिंह बादल सोमार के दिने मान लिहलन कि अकाली दल सरकार के दौरान डेरा मुखिया राम रहीम के माफी लेबे में उनुकर भूमिका रहल. एs मामला के लेके अकाल तख्त में पांच सिंह साहिबन के बैठक भईल, जवना में उनुका अवुरी शिरोमणि अकाली दल सरकार के दौरान मंत्रिमंडल के बाकी सदस्य के धार्मिक दुराचार के आरोप में सजा सुनावल गईल बा। बता दीं कि एकरा से पहिले अकाल तख्त सुखबीर सिंह बादल के भी ‘तनखैया’ (धार्मिक दुराचार के दोषी) घोषित कs देले रहले।
कवन सजा दिहल गइल, कवन काम करे के पड़ी?
सजा के तहत सुखबीर बाद के पिता अवुरी पंजाब के पूर्व मुख्यमंत्री स्वर्गीय प्रकाश सिंह बादल से ‘फख्र-ए-कौम’ के उपाधि छीन लिहल जाई।
सुखबीर बादल अवुरी सुखदेव ढिंदसा के एक घंटा तक साफ-सफाई के बर्तन अवुरी जूता के संगे ‘कीर्तन’ सुने के आदेश दिहल गईल बा।
जत्थेदार सुचा सिंह लांगा, हीरा सिंह गैब्रिया, बलविंदर सिंह भुंदर, दलजीत सिंह चीमा आ गुलजार सिंह जइसन दोसरो अकाली नेता लोगन के निर्देश दिहलन कि स्वर्ण मंदिर में बाथरूम के एक घंटा साफ सफाई करस आ ओकरा बाद गुरु के लंगर सेवा में बर्तन साफ करस .
एह नेता लोग के एक घंटा खातिर कीर्तन सुने के भी आदेश दिहल गइल बा।
बीबी जगीर कौर, प्रेम सिंह चंदूमाजरा, सुरजीत सिंह रेखड़ा, बिक्रम सिंह मजीठिया, महेश इंदर सिंह ग्रीनवाल, चरणजीत सिंह अटवाल आ आदेश प्रताप सिंह कैरों जईसन अकाली नेता लोग के भी स्वर्ण मंदिर में बाथरूम के सफाई करे के कहल गईल बा।
गलती का रहे?
सुखबीर बादल आपन गलती के कबूल कईले, जवना में साल 2007 के निंदा के मामला में डेरा सच्चा सौदा के मुखिया गुरमीत राम रहीम सिंह के माफी दिहल शामिल बा।
एकरा में 2015 के पवित्र किताब के अपवित्र मामला में दोषी के सजा ना दिहल भी शामिल रहे।
