ईडी टीम (ईडी एटी संजय सिंह आवास) सबेरे-सबेरे आम आदमी पार्टी के राज्यसभा सांसद संजय सिंह के घरे पहुंचल बा। उनुका घर के बहरी बहुत ईडी अधिकारी देखल जा सकतारे। एकरा अलावे सुरक्षा बल भी उहाँ मौजूद बा। ईडी के अधिकारी उनुका से पूछताछ करत बाड़े। हालांकि अबे तक इ साफ नईखे कि आप नेता से कवना मामिला में पूछताछ होखता।सूत्र के मुताबिक दिल्ली शराब नीति घोटाला के कथित मामिला में संजय सिंह से ईडी के अधिकारी पूछताछ करतारे अवुरी उनुका घर के तलाशी लिहल जाता। इ दूसरा बेर बा जब प्रवर्तन निदेशालय के टीम संजय सिंह के घरे पहुंचल बा।
#WATCH | Visuals from outside AAP Rajya Sabha MP Sanjay Singh's residence
ED raids underway at the residence of AAP Rajya Sabha MP Sanjay Singh pic.twitter.com/k6FRDjY12S
— ANI (@ANI) October 4, 2023
बता दीं कि ईडी दिल्ली शराब नीति घोटाला के मामिला में आरोप पत्र दाखिल कईले रहे, जवना में संजय सिंह के नाम लिहल गईल रहे। पिछला बेर जब ईडी टीम संजय सिंह के घरे पहुंचल रहे त AAP सांसद ईडी के खिलाफ मानहानि के मामिला दर्ज करवले रहले। एह पs सफाई देत प्रवर्तन निदेशालय के ओर से कहल गईल कि आरोप पत्र में राहुल सिंह के जगह गलती से संजय सिंह के नाम लिखल बा। जवना के बाद इ मामिला इहाँ खतम हो गईल।
मई में ईडी संजय सिंह के दुगो करीबी साथी अजीत त्यागी अवुरी सर्वेश मिश्रा के घरे पs छापामारी कईले रहे।अब एक बेर फेरु ईडी के अधिकारी संजय सिंह के घरे पहुंचल बाड़े। सूत्र के मुताबिक दिल्ली शराब नीति के कथित घोटाला के मामिला में ईडी के अधिकारी संजय सिंह से पूछताछ करतारे अवुरी उनुका घर के भी तलाशी लेले बाड़े।
साभार- NDTV
