WordPress database error: [Table 'khabarbh_sdlkopui3678.wp_post_views' doesn't exist]SELECT SUM(count) AS views FROM wp_post_views WHERE id IN (23415) AND type = 4
सीवान: बिहार के सीवान से बड़ खबर आ रहल बा। एजा बदमास मुखिया पति आ उनका भांजा के गोली मार के हत्या कs देले बाड़े सs। घटना हुसैनगंज थाना क्षेत्र के हs। बियफे के भोर में अपराधी बघौनी पंचायत के मुखिया पति विश्वकरमा बिन के आ उनका भांजा के मौत के घाट उतार देले बाड़े सs। चउका देवे आला बात ई बा कि दुनों के लाश अलग-अलग थाना क्षेत्र से मिले के खबर बा। एह वारदात के बाद खून से सनाइल लाश के देख के इलाका में दहशत फइल गइल बा। अगल-बगल के गाँव के लोगन के भीड़ जुट गइल बा। घटना के सूचना मिलते पुलिस घटना के जगे पहुंचल बिया। ममिला के पड़ताल सुरू हो गइल बा।
