घरेलू बाजार मजबूती के साथ खुलल, सेंसेक्स 125 अंक चढ़ल, निफ्टी 18347 पर

By कुमार आशू On Nov 15, 2022

हफ्ते के दूसरा कारोबारी दिन मंगर के घरेलू शेयर बाजार बढ़त के साथ खुलल। एह दौरान सेंसेक्स 130 प्वाइंट चढ़कर खुलल। उहवें, निफ्टी 18350 के लेवल के आसपास कारोबार करता दिखल। शुरुआती कारोबार में अपोलो टायर्स के शेयरों में पांच प्रतिशत के बढ़त जबकि यूफ्लेक्स के शेयर में चार प्रतिशत के गिरावट दिखल।

अमेरिकी बाजार में सोमार के आइल गिरावट खातिर मोटहन तौर पर फेडरल रिजर्व के गवर्नर क्रिस्टोफर वालर के टिप्पणी के भी जिम्मेदार ठहरावल जा रहल बा। वालर कहले बानें कि सेंट्रल बैंक के अभिन भी दर वृद्धि पर रोक लगावे से पहिले कुछ दूरी तय करे के बा अउर अक्टूबर में महंगाई दर में आइल कमी से लोग के बहुत ज्यादा उम्मीद नाइ करे के चाहीं। उहवें दूसरे ओर, डाऊ जोंस 211.16 अंक के गिरावट के साथ 33,536.70 अंक पर बंद भइल। ई 0.63 अंक टूटल। उहवें एसएंडपी 500 13.68 अंक (0.89) अंक के गिरावट के साथ 3,957.25 अंक पर बंद भइल।

सिंगापुर स्थित एसजीएक्स निफ्टी फ्यूचर्स जौन निफ्टी 50 के एगो प्रारंभिक संकेतक ह। 18,431.5 पर सकारात्मक रुझान के साथ कारोबार कर रहल बा। जौन 54 अंक चाहे 0.29 प्रतिशत ऊपर बा।