वायरल न्यूज : पारिवारिक समारोह होखे भा सेरेमनी, लोग हर खुला पल के कैप्चर करे खातिर फोटोग्राफर के फोन करेला। ताकि ओह सुनहरा पल के याद बरिसन ले चले। शादी हर परिवार खातिर खास होला। एही से बियाह में फोटोग्राफर जरूर होखेला। कुछ जोड़ा अक्सर फोटोग्राफर के काम से एतना खुश होखेले कि घर में होखेवाला अवुरी समारोह खातीर उहे फोटोग्राफर के फोन करेले। लेकिन बियाह के चार साल बाद एगो महिला फोटोग्राफर से पईसा वापस करे के मांग कईले बिया। मेहरारू कहलस कि अब तलाक हो गइल बा। बियाह में लिहल फोटो के रिफंड रउरा वापस क देई। व्हाट्सएप पे दुनो लोग के बीच भईल बातचीत के स्क्रीनशॉट वायरल हो गईल बा।
महिला शादी के फोटोग्राफर से रिफंड मांगत बिया
पहिले त फोटोग्राफर के लागल कि महिला मजाक करत बिया, लेकिन बाद में ओकरा एहसास भईल कि उ ए मामला के लेके गंभीर बिया। महिला कहलस कि बियाह के फोटोग्राफी खातीर पईसा वापस मांग सकतारी। अब उनुकर संबंध अपना पति से नईखे रह गईल। फोटोग्राफर उनुकर मांग ठुकरा देले। एकरा बाद उ महिला के संगे भईल व्हाट्सएप चैट के स्क्रीनशॉट ट्विटर पे शेयर कईले।
चैट वायरल से स्क्रीनशॉट मिलल
फोटोग्राफर के ई ट्वीट अब वायरल हो रहल बा। ई स्क्रीनशॉट लांस रोमियो फोटोग्राफी के ट्विटर अकाउंट से शेयर कइल गइल बा। ऊ लिखले बाड़न कि ‘कसम से हमार जिंदागी अइसन एगो फिलिम ह। जवन रउरा कबो ना बना सकेनी। ‘
का कहली लेडी
लांस रोमियो के ओर से शेयर कईल गईल स्क्रीनशॉट में महिला कहली कि, पता ना आपके हमरा के याद बा कि ना। 2019 में डरबन में हमार बियाह में रउआ हमरा खातिर फोटोशूट कईले रहनी, लेकिन अब तलाक हो गईल बा। त ओह फोटो के अब हमरा भा हमरा तलाकशुदा पति के जरूरत नइखे। अगर रउरा चाहत बानी त अपना लगे राखीं। रउरा त बढ़िया काम कइनी बाकिर अब ई सब बेकार हो गइल। अइसना में रउरा ओह घरी दिहल पइसा वापस क देत बानी। अब हमनी के एह तस्वीरन के जरूरत नइखे। फोटोग्राफर इ कहत पईसा वापस करे से इनकार क देले कि हम ए फोटो के कवनो तरीका से नष्ट नईखी क सकत।
पूर्व पति फोटोग्राफर से माफी मंगले
महिला फोटोग्राफर के कानूनी कार्रवाई के धमकी देलस। एकरा बाद भी फोटोग्राफर उनुकर मांग स्वीकार करे खातीर तैयार ना रहले। चैट वायरल होखला के बाद महिला के पूर्व पति फोटोग्राफर से संपर्क क के माफी मंगले। फोटोग्राफर 11 अप्रैल के इ पोस्ट शेयर कईले रहले। जवना के बाद अब तक 40 लाख से ज्यादा व्यूज देखल गईल बा।
Comments are closed.