दिपिका कक्कर स्टेज 2 लिवर कैंसर से जूझत बाड़ी आ पिछला 11 दिन से मुंबई के कोकिलाबेन अस्पताल में भर्ती रहली. अब दीपिका अपना प्रशंसकन के एगो बढ़िया खबर दे दिहले बाड़ी. अभिनेत्री एह बात के पुष्टि कइले बाड़ी कि अब ऊ ‘ट्यूमर मुक्त’ बाड़ी बाकिर आगे कहली कि अबहीं अउरी इलाज के जरूरत बा. इंस्टाग्राम पs एगो भावुक पोस्ट में दीपिका आभार जतवली अवुरी मेडिकल टीम, अपना परिवार अवुरी प्रशंसक के धन्यवाद दिहली। अस्पताल में रहे के तस्वीर साझा करत उ लिखली कि, ’11 दिन इहाँ अवुरी अब घर, ट्यूमर मुक्त लेकिन इs सभ इलाज के हिस्सा हs।’ बाकी आवे वाला समय में बा अवुरी हमरा पूरा भरोसा बा कि हमहूँ एकरा से निकलब, जईसे हम पहिले कहले रहनी।’
दीपिका अस्पताल में बितावल 11 गो कठिन दिन के याद कइली आ उनुका के मिलल देखभाल के सराहना कइली. उs लिखली कि, ‘ई 11 दिन मुश्किल रहे, बाकिर हमनी के आसपास के अद्भुत लोग के चलते सबकुछ ठीक से चलल। दर्द तs रहे, बाकिर कोकिलाबेन अस्पताल में सब लोग बहुत गर्मजोशी से सबकुछ संभाल लेले।’ संगही, उs प्रशंसक के अटूट प्यार अवुरी समर्थन खातीर धन्यवाद देली। उs आगे कहली कि, ‘आ हमार सबसे बड़ ताकत उs प्यार, दुआ अवुरी आशीर्वाद बा जवन कि आप सभ हमरा पs बरसा देले बानी, दिल से धन्यवाद।’ ई प्यार देख के हमरा बहुत हिम्मत मिलल।’ दीपिका के पति शोएब इब्राहिम एगो व्लॉग में अउरी विस्तार से बतवले। उs कहले कि अबे सब ठीक बा, बाकिर हमनी के सिर्फ एगो मील के पत्थर पार कईले बानी। अबे बहुत कुछ देखे के बा।’ उs पुष्टि कईले कि सर्जरी सफल भईल अवुरी दीपिका ठीक हो रहल बाड़ी, बाकिर हालत पs नजर राखल जाता। उs कहले कि, ‘ट्यूमर घातक रहे।’ ओह हालत पs नजर राखल जाव. संगही, उ लोग हमनी के एक सप्ताह में वापस आवे के कहले बाड़े। एकरा बाद उs लोग तय करीहे कि अवुरी कवन इलाज के जरूरत बा।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
