साक्षी हत्या के मामला के एक दिन भी नईखे बीतल अवुरी दिल्ली में एगो अवुरी लईकी के कथित हत्या के मामला सोझा आईल बा। ए लईकी के पहचान रानी के रूप में भईल बा।
नई दिल्ली : साक्षी हत्या के मामला के एको दिन भी नईखे बीतल अवुरी दिल्ली में एगो अवुरी लईकी के कथित तौर पे चाकू मार के हत्या क दिहल गईल बा। लईकी के पहचान रानी भईल बा अवुरी उनुकर उमर 35 साल बतावल जाता अवुरी उ दिल्ली के एसजे एन्क्लेव के निवासी रहली। मिलल जानकारी के मुताबिक आजु सबेरे 7 बजे सिविल लाइन्स थाना में पीसीआर मिलल, ओकरा बाद पुलिस मौका पे पहुंचल।
शुरू में दिल्ली पुलिस मृतका के नाम मनीषा क्षेत्री बतवले रहे, लेकिन अब पुलिस साफ क देले बिया कि मरेवाली लईकी के पहचान 35 साल के रानी के रूप में भईल बा। दिल्ली पुलिस के कहना बा कि दिल्ली के मजनूं के टीला, सिविल लाइंस के अरुणा नगर में एगो इमारत के तीसरका मंजिल पे एगो महिला के मरल आ खून के लथपथ पड़ल मिलल जवना के पहचान रानी (35) के रूप में भइल बा। मौका पे लाश के नजदीक एगो अवुरी महिला सपना (36 साल) मिलल। उ पुलिस के बतवली कि उ घर के छत पे रहली। मौका पे एफएसएल टीम अवुरी क्राइम टीम के बोलावल गईल बा अवुरी मामला के जांच कईल जाता। कथित तौर पे मनीषा के हत्या भी हो चुकल बा। फिलहाल ए मामला में बहुत जानकारी नईखे मिलल।
