आजकाल रोडवेज बस से यात्रा करे के मतलब होला चुनौती के सामना करे के। कब पहुंचब एकर कवनो ठिकाना नइखे, बरखा में छतरी लेके बइठे के पड़ सकेला। जनरथ जइसन एसी बस के छत से पानी टपकेला। ई सुनल सुनल बात नइखे, बाकिर दिल्ली से गोरखपुर आवत राप्तीनगर डिपो के बस से टपकत बरसात के पानी से एकर तस्दीक कइल जा सकेला। जवना के वीडियो यात्री लोग वायरल क देले बा।
गोरखपुर अंचल के राप्तीनगर डिपो के जनरथ बस यूपी 32 एनएन 0837 दिल्ली से गोरखपुर आवत रहे। रास्ता में रुक-रुक के बरखा होखत रहे। एही बीच बस के दाहिना ओर छत से पानी टपकल शुरू हो गईल। एकरा चलते बस के भीतर बईठल यात्री परेशान हो गईले अवुरी सड़क के अधिकारी से शिकायत के संगे एगो वीडियो वायरल क देले। गोरखपुर लखनऊ के बीच चलत जनरथ बस नंबर 4772 के सीट से पानी के रिसाव के शिकायत भी सड़क मार्ग के अधिकारी के मिलल बा।
देखीं वीडियो: दिल्ली गोरखपुर जनरथ एसी बस में चू रहल पानी
जिम्मेदार लोग के दावन के खुलल पोल
यूपी रोडवेज के लग्जरी बस मानल जाए वाली जनरथ एसी बस में पानी रिसाव के घटना से सड़क मार्ग के जिम्मेदार लोग के दावा के पर्दाफाश हो गईल बा। जिम्मेदार लोग दावा करत रहेला कि बस जाँच कईला के बाद ही सड़क पs उतरेले।
राप्तीनगर डिपो के सहायक क्षेत्रीय प्रबंधक अशोक कुमार सिंह बतवले कि राप्तीनगर डिपो के एसी जनरथ बस में पानी के रिसाव के शिकायत मिलल बा। एह बस के मरम्मत कार्यशाला में कइल जाई। जब ले सभ बस ठीक ना हो जाई तब ले एकर संचालन ना होई।
साभार: अमर उजाला
