Marriage: दलजीत कौर के मेहंदी सज गइल, एह व्यापारी से दुसरका बियाह रचइहे
दलजीत कौर मेहंदी वीडियो: टीवी अभिनेत्री दलजीत कौर के शादी के रस्म शुरू हो गईल बा। दलजीत कौर आपन मेहंदी समारोह के झलक सोशल मीडिया पे शेयर कईली|
आजकल मनोरंजन जगत में सेलिब्रिटी सब बियाह चल रहल बा। हालही में बॉलीवुड अभिनेत्री स्वरा भास्कर के बियाह हो गइल| गुरुवार के ही अनन्या पाण्डेय के कजिन अलाना अपना प्रेमी के संगे 7 फेरा लेके सादी कइली। साथही टीवी अभिनेत्री दलजीत कौर के बियाह जल्दिए होखे जा रहल बा| दुनों के बियाह के रस्म शुरू हो गईल बा। अभिनेत्री खुद अपना मेहंदी समारोह के वीडियो क्लिप इंस्टाग्राम स्टोरी पे शेयर कईली। महत्व के बात बा कि दलजीत यूके के बिजनेसमैन निखिल पटेल से बियाह करे जा रहल बाड़ी।
दलजीत कौर के हाथ पे मेहंदी सजल
दलजीत कौर अपना हाथ पे मेहंदी देखावे खातिर इंस्टाग्राम स्टोरीज में एगो वीडियो शेयर कइले बाड़ी। एकरा संगे-संगे उ मेहंदी फंक्शन के क्लिप भी शेयर कईले बाडी। जवना में हम देख सकत बानी कि दलजीत कौर के हाथ पे मेंहदी लगावल जा रहल बा। ए क्लिप के देख के साफ-साफ देखाई देता कि दल्लजीत कौर अपना बियाह के फैसला से बहुत खुश बाड़ी।
रउरा सभे के पता होई कि निखिल पटेल आ दलजीत जे बहुत दिन से एक दोसरा से डेट करत रहले| हाल ही में दुनो लोग अपना बियाह के घोषणा क के सभके हैरान क देले। पहिले से सोशल मीडिया पे दुनु जने के रोमांटिक फोटो आ वीडियो आवत रहेला|
दलजीत कौर आ निखिल पटेल दुनु के ई दुसरका बियाह ह| दलजीत के बियाह एकरा से पहिले साल 2009 में ‘बिग बॉस 16’ के फेम शालिन भनोट से भईल रहे। लेकिन दुनो लोग के तलाक साल 2015 में हो गईल। जबकि एकरा से पहिले निखिल के बियाह भी हो चुकल बा, उहें पहिला बियाह से 2 बेटी भी बाड़ी। दलजीत आ निखिल पटेल के मुलाकात एगो आम दोस्त के पार्टी में भइल रहे। दोस्ती हो गईल, फेर दोस्ती प्यार में बदल गईल।
