Khabar Bhojpuri
भोजपुरी के एक मात्र न्यूज़ पोर्टल।

दबंग दिल्ली पटना पाइरेट्स के हरा के बनल प्रो कबड्डी 8 के विजेता

डिफ़ेनडर जोगिंदर नरवाल के कप्तानी में दबंग दिल्ली पटना के हरा के पहिला बेर खिताब जीत लेलस। दिल्ली के ई जीत मात्र 01 अंक से मिलल। 37-36 से रहल मैच के नतीजा दिल्ली का पक्ष में।

318

पहिला बेर विजेता बनल दबंग दिल्ली

PRO KABADDI LEAGUE-8 में सुक के रात भइल फाइनल मुकाबला में एगो बहुते रोमांचक आ सांस रोक देवे आला मैच भइल। 01 अंक के निर्णायक अंतर से दबंग दिल्ली पटना पाइरेट्स के चउथका बेर चैम्पियन बने के सपना तुरे में सफल रहल। दबंग दिल्ली के ई अब ले भइल 8 सीजन में ई पहिलका ख़िताबी जीत हs। सीजन-7 के फाइनलो में दबंग दिल्ली फाइनल में पहुंचल रहे बाकिर बंगाल वारियर्स के टीम से हार मिलल रहे।

 

कवनो पटकथा अस घरी-घरी बदलत रहल फाइनल के रोमांच

डिफेंडर जोगिंदर नरवाल के निर्तेत्व में फाइनल खेल रहल दबंग दिल्ली के टीम पटना पाइरेट्स के टीम के हरा के खिताब तs जीत लेलस, बाकिर ओकरा एह जीत के हासिल करे ला बहुत जादे मेहनत करे के पड़ल। एही मेहनत के नतीजा आ धीर बना के रखला के नतीजा भइल की टीम के अंतिम समे में 01 अंक से यादगार जीत मिल गइल।

बंगलोर में भइल एह ख़िताबी मुकाबला में दिल्ली के टीम पहिला हाफ के बाद ले पिछड़त रहे बाकिर अंतिम बेरामें बाजी पलट गइल। दिल्ली के ई जीत 01 अंक से भेंटल। एह मैच में 1-1 अंक ला कड़ा जंग देखे के मिलल। पटना पाइरेट्स चउथा बेर फाइनल खेलत रहे बाकिर अबकी बेर ओकरा खिताब जीते में कामयाबी ना मिल सकल। हाफ टाइम ले पटना 2 अंक के बढ़त ले लेले रहे। रेडर प्रशांत कुमार के ई टीम एक समे मिलल 4 अंक के बढ़त के बना के ना राख़ सकल।

 

पहिला हाफ के बाद स्कोर 17-15 से पटना के पक्ष में रहे। जब दूसरा हाफ में 7 मिनट बांचल रहे तब दिल्ली 2 अंक के बढ़त बना लेलस।  दबंग दिल्ली देखते-देखत एह बढ़त के 4 अंक कs लेलस। पटना के खिलाड़ी वापसी के उमेद ना छोड़ल लो आ निमन खेला देखावल। बाकिर अंत में दिल्ली का लगे 01 अंक के बढ़त रहल जवन निरने देवे ला कम ना रहे। दिल्ली मैच में 37-36 से जीत हासिल कइलस।

एह मुक़ाबला में सबसे बेसी अंक दिल्ली के औललराउंडर विजय जोडले। ऊ 14 अंक जोड़ेले। रेडर नवीन कुमार 13 अंक के जोगदान एह जीत में मददगार रहल। पटना खातिर सचिन 10 आ गुमान सिंह के 9 अंक लेके आइल लो।

222340cookie-checkदबंग दिल्ली पटना पाइरेट्स के हरा के बनल प्रो कबड्डी 8 के विजेता

ईमेल से खबर पावे खातिर सब्सक्राइब करीं।

Get real time updates directly on you device, subscribe now.

Comments are closed.