भारत के सुशीला देवी लिकाबम राष्ट्रमंडल खेलन के जूडो स्पर्धा के महिला 48 किग्रा वर्ग में रजत पदक जीतली। उनका के फाइनल में दक्षिण अफ्रीका के मिशेला वाइटबूइ हरवली। वेटलिफ्टिंग के अलावा ई भारत के पहिला पदक हs, आ कुल 8वां मेडल हs, आठवां मेडल जुडो में आइल जब भारत के विजय यादव कांस्य जीतले। कॉमनवेल्थ गेम्स 2022 में भारत ने अब तक 3 गोल्ड, 3 सिल्वर आ 2 ब्रॉन्ज मेडल जीत लेले बा।
फाइनल में दुनों जुडो खेलाड़ियन के साथे अंतिम सीटी तक एक इंच ना छोडला से मुकाबला एंड टू एंड एनकाउंटर साबित भइल काहेकि ऊ दुनो नियमन के मोताबिक समय के अंत तक एगो अंक दर्ज करने में विफल रहल लो। एकरा बाद प्रतियोगिता एगो स्वर्णिम स्कोर टाइम में चल गइल, जहां दक्षिण अफ्रीका के जुडोका सुशीला देवी के सोलडर के मैट पs रखके एक अंक जीतके स्वर्ण पदक जीतली।
2014 में सुशीला रजत पदक जीत चुकल बाड़ी। एकरा अलावे उनकर उपलब्धियन के बात कइल जाव तs 2019 दक्षिण एशियाई खेलन में स्वर्ण पदक जीतली। ऊ जूडो में भारत खातिर एकमात्र प्रतिनिधि के रूप में 2020 ग्रीष्मकालीन ओलंपिक खातिर क्वालीफाई कइले रहली।
सुशीला सुरुए से स्थानीय से लेके प्रतिष्ठित राष्ट्रमंडल खेलन तक के प्रतियोगिता में एगो चैंपियन के उत्कृष्ट प्रदर्शन के संकेत दिखवली। उनकर चाचा, लिकमबम दीनित, जे एगो अंतरराष्ट्रीय जूडो खिलाड़ी रहल बाड़ें, दिसंबर 2002 में सुशीला के खुमान लम्पक ले गइले।
खुमान में, ऊ बहुते कम उमिर में प्रशिक्षण प्राप्त कइल सुरु कs देले रहली। ऊ भारतीय खेल प्राधिकरण (SAI) के साबित्री चानू आ स्पेशल एरिया गेम्स (SAG) खुमान लम्पक के तहत प्रशिक्षण ले चुकल बाड़ी।
