कानपुर के मुख्य चिकित्सा अधिकारी (सीएमओ) हरदत्त नेमी के निलंबित कs दिहल गइल बा. नेमी के जगह डा. उदयनाथ के कानपुर के नयका सीएमओ बनावल गइल बा. कानपुर के डीएम अवुरी सीएमओ हरदत्त नेमी के बीच बहुत विवाद चलत रहे। सीएमओ पs डीएम के खिलाफ बहुत आपत्तिजनक बात कहे के आरोप बा।
14 जून से बढ़ गइल रहे विवाद
इs पूरा विवाद फरवरी में शुरू भईल जब कानपुर के डीएम सीएमओ कार्यालय पs छापामारी कईले अवुरी सीएमओ के संगे 34 अधिकारी अवुरी कर्मचारी कार्यालय में ना रहले। अब 14 जून के विवाद अउरी बढ़ गईल अउरी सीएमओ के बइठक से बाहर कs दिहल गईल|
कइसे शुरू भइल विवाद
कानपुर के डीएम जितेंद्र प्रताप सिंह अवुरी मुख्य चिकित्सा अधिकारी (सीएमओ) डॉ. हरिदत्त नेमी के बीच विवाद फरवरी में शुरू भईल रहे, जब डीएम सीएमओ कार्यालय के अचानक निरीक्षण कईले, जवना में कथित तौर पs डॉ. नेमी समेत प्रमुख अधिकारी बिना सूचना के अनुपस्थित पावल गईले। जनस्वास्थ्य केन्द्रन पs भइल निरीक्षण में गड़बड़ी के पता चलल जवना का बाद सिंह राज्य सरकार के डॉ. नेमी के तबादला करे के सिफारिश कइलन. एकरा बाद हरि दत्त नेमी के एगो ऑडियो क्लिप वायरल हो गईल जवना में उs डीएम के खिलाफ अपमानजनक टिप्पणी करत रहले।
इहो पढ़ीं: चार राज्यन में विधानसभा उपचुनाव: सुबेरे 7 बजे से मतदान जारी, जानीं कहां- केकरी बीचे बा मुकाबला
