मुख्यमंत्री योगी आदित्यनाथ कहले कि दवाई अवुरी किराना बाजार के पारंपरिक जगह पs भीड़ जादे बा। एह समस्या के भी समाधान करे जा रहल बानी। कालेसर आ जगदीशपुर के नया व्यावसायिक हब के रूप में विकसित कइल जाई। शहर में पहिले से कारोबार करेवाला व्यापारी खातीर इहाँ बड़ गोदाम बनावल जाई।
सीएम योगी रविवार के सर्किट हाउस में व्यापारी लोग से आयोजित संवाद में कहले कि गोरखपुर में सेफ सिटी के संबंध में ऑपरेशन त्रिनेत्रा में व्यापारी के भागीदारी सराहनीय रहल बा। मुख्यमंत्री से भईल बातचीत में व्यापारी आपन बात खुल के रखले। व्यापारी लोग के कहनाम बा कि रउरा सीएम बनला के बाद गोरखपुर के तस्वीर बदल गईल बा। सुरक्षा के माहौल के उपलब्धता के चलते कारोबार के प्रगति में लगातार तेजी आईल बा।
पूर्व मेयर सीताराम जायसवाल छह साल पहिले अवुरी वर्तमान में गोरखपुर में भईल बदलाव के जिक्र करत कहले कि सीएम योगी गोरखपुर के एगो नाया अवुरी मजबूत पहचान देले बाड़े। गोरखपुर उद्योग व्यापार संघ के अध्यक्ष नितिन जायसवाल कहले कि राज्य के सुरक्षित वातावरण अवुरी यूपी के बुलडोजर ब्रांड के देखत गोरखपुर में बुलडोजर प्लांट लगावे के चाही।
बैठक में सांसद सांसद रविकिशन शुक्ल, मेयर डॉ मंगलेश श्रीवास्तव, विधायक फतेह बहादुर सिंह, विपिन सिंह, कमिश्नर अनिल ढींगरा, डीएम कृष्णा करुणेश, भाजपा महानगर अध्यक्ष राजेश गुप्ता, पुष्पदंत जैन, सत्य प्रकाश सिंह मुन्ना, सराफा कारोबारी अतुल सराफ, सराफा मंडल प्रमुख गणेश वर्मा, चैंबर ऑफ इंडस्ट्रीज के अध्यक्ष आरएन सिंह, उपाध्यक्ष प्रवीण मोदी, पूर्व अध्यक्ष एसके अग्रवाल, चैंबर ऑफ ट्रेडर्स के अध्यक्ष अनूप किशोर जायसवाल, चैंबर ऑफ टेक्सटाइल के अध्यक्ष राजेश नेभानी, किराना कमेटी के अध्यक्ष उमेश मद्देशिया, महामंत्री गोपाल जायसवाल, दवा विक्रेता समिति के अध्यक्ष योगेंद्र दूबे, महामंत्री आलोक चौरसिया, चैंबर ऑफ इलेक्ट्रिकल्स के अध्यक्ष राजीव रस्तोगी आदि मौजूद रहले।
गीता प्रेस रोड के दोकान में पानी घुसता, परेशानी होला
चैंबर ऑफ टेक्सटाइल के अध्यक्ष राजेश नेभानी बतवले कि पहिले बरसात के मौसम में गीता प्रेस रोड के दोकान में पानी घुसला से व्यापारी के करोड़ों के नुकसान होखत रहे। मुख्यमंत्री पानी के भरपाई के समाधान क के बड़ राहत देले बाड़े। उद्योग मंडल के अध्यक्ष आरएन सिंह औद्योगिक विकास में मुख्यमंत्री के पहल के जिक्र करत प्लास्टिक पार्क में भूखंड दर अवुरी बिजली में राहत के मांग कईले। उ गोरखनाथ औद्योगिक क्षेत्र में फ्लैटेड फैक्ट्री के जरूरत भी बतवले। मुख्यमंत्री ए मांग पs सकारात्मक आश्वासन देले।
साभार- अमर उजाला
