क्रिसमस 2022: आजु अद्ध रात में जनम लीहें प्रभु यीशु, रंग-बिरंगा झालरन से जगमगा रहल बा घर अउर चर्च

क्रिसमस पर्व के तैयारी लगभग पूरा हो चुकल बा। मसीही समुदाय के घर अउर गिरजाघर के रंग-बिरंगा झालर से सजावल गइल बा। मसीही समाज सनीचर के अद्ध रात के प्रभु यीशु के जन्म उत्सव धूमधाम से मनाई। सेंट जोसेफ महागिरजाघर सिविल लाइंस में मां मरियम के मंदिर आकर्षक रूप से सजावल गइल बा। सामने चरनी के निर्माण कइल गइल बा। एकरे पीछे गौशाला बा, जहां पशुअन के साथ चरवाहा बानें सब। स्वर्ग दूत एंजेल के भी तस्वीर बनावल गइल बा। उहवें स्वर्ग दूतन के बीच में बाल रूप प्रभु यीशु मसीह के झांकी एगो टोकरी में रखल गइल बा।