Ceiling Fan Cleaning Tips: गर्मी के दिन शुरू हो गईल बा। एह सीजन में घर में सबसे ज्यादा जरूरत पंखा के होला। दोसरा तरफ अगर तटीय इलाका के बात करीं त ओहिजा के लोग हर महीना पंखा के इस्तेमाल करेला| अगर पंखा के बहुत दिन तक इस्तेमाल ना होखे त ओकरा पे धूल के मोट परत जमा हो जाला। पंखा के ब्लेड के साफ कईल सबसे मुश्किल काम साबित होखेला। आईं हमनी के बतावत बानी जा कि पंखा के साफ करे के आसान तरीका मिनट में।
•कुछ लोग पंखा उतार के ओकरा बाद साफ कर देला। एह प्रक्रिया में बहुत समय लागेला। हमनी के जवन तरीका बतावे जा रहल बानी जा ओकरा से रउरा बिना कवनो परेशानी के आपन पंखा चमका सकेनी।
•पंखा के चमकावे खातिर तकिया के पुरान कवर के जुगाड़ करे के पड़ेला। पंखा पे जमा गंदगी तकिया के कभर से आसानी से साफ हो जाला। पंखा उतारला के बजाय लंबा स्टूल आ सीढ़ी के इस्तेमाल क सकेनी। स्टूल एतना लंबा होखे के चाही कि आपके हाथ आसानी से पंखा तक पहुंच सके आ ओकरा के साफ करे में जल्दी ना करे के पड़े।
•घर में राखल कुर्सी भी पंखा तक पहुंचे खातिर उपयोगी हो सकेला। इहाँ इहो बतावल जरूरी बा कि कुर्सी मे पहिया ना होखे के चाही। पंखा तक पहुंच बनवला के बाद तकिया के कवर के इस्तेमाल करे के होई। बस रउरा पंखा के ब्लेड के तकिया के कवर के भीतर डाल के दुनो हाथ से चिपका के ब्लेड के बाहरी ओर खींच लेवे के होई।
• अयीसन कईला से पंखा के ब्लेड पे जमल सभ कचरा तकिया के कवर में आ जाई। अब रउरा ई काम बारी-बारी से सगरी पंखा के ब्लेड से करे के पड़ी| एकर सबसे बड़ फायदा इ होई कि पंखा के गंदगी कवर में रही आ फर्श , बिस्तर पे ना गिरी। धूल निकलला के बाद भींजल कपड़ा से पंखा के आ चमका सकतानी। दूसर ओर, जदी पंखा के ऊँचाई जादा बा त आपके एक्सटेंडेबल डस्टर स्टिक के इस्तेमाल करे के होई। इ बाजार में 350 से 400 रुपया में आसानी से उपलब्ध बा।
