छात्रन के बैग के तकिया बनाके प्रधानाध्यापक फरमा रहल बाड़े आराम, स्कूल में लइका लगा रहल बाड़े झाड़ू; VIDEO
एगो वीडियो में मध्य प्रदेश के सरकारी स्कूल के हालत के खुलासा भईल। छतरपुर के एगो स्कूल से निकलल वीडियो देख के समझल जा सकता कि स्कूल में बच्चा के भविष्य के लेके शिक्षक केतना चिंतित बाड़े। वायरल होखे वाला वीडियो में एगो शिक्षक बच्चा के स्कूल बैग के तकिया बना के आराम दे रहल बाड़े। जब सोशल मीडिया पs शिक्षक के इ वीडियो वायरल भईल त जिला शिक्षा अधिकारी मामला के जांच के आदेश देले।
लइकन के बैग पs सुतल दिखले प्रधानाचार्य
भले ही शिक्षा विभाग के अधिकारी राज्य में शिक्षा के स्तर सुधारे के कोशिश करतारे, लेकिन कुछ लापरवाह शिक्षक के खराब काम करे के तरीका के चलते अधिकारी के प्रयास बेकार चलत देखाई देता। छतरपुर जिला के लवकुशनगर इलाका के एगो प्राथमिक विद्यालय से ई वीडियो सामने आइल बा जवना में हेडमास्टर के बच्चन के स्कूल बैग तकिया बना के सुतल देखल जा सकेला। एही बीच केहु उनुकर वीडियो बनवले, जवन कि अब सोशल मीडिया पs तेजी से वायरल होखता।
सेकेंड क्लास के लइका-लइकी झाड़ू लगा रहल बाड़े
हालांकि जिला शिक्षा अधिकारी उक्त वीडियो के संज्ञान लेला के बाद जांच खातीर निर्देश देले बाड़े। जानकारी के मुताबिक इ वीडियो लवकुशनगर विकास प्रखंड के प्राथमिक विद्यालय बजौरा के ह। वीडियो में स्कूल के हेडमास्टर राजेश कुमार बजौरा एगो बच्चा के स्कूल बैग के तकिया बना के फर्श पs आराम करतारे, अवुरी क्लास के सभ बच्चा गायब बाड़े। एकरा संगे स्कूल के दोसर वर्ग के बच्चा भी स्कूल में झाड़ू लगावत बाड़े। गांव के लोग के बनावल इ वीडियो जब सोशल मीडिया पs वायरल भईल त जनता के बीच चर्चा के विषय बन गईल।
Comments are closed.