अयोध्या के भदरसा गैंगरेप केस के आरोपी मोईद खान के शॉपिंग कॉम्प्लेक्स पs आज बुलडोजर के इस्तेमाल होई। ई जानकारी एसडीएम सोहवाल दिहले बाड़न. एसडीएम बतवले कि आजु सबेरे करीब 11 बजे आरोपी मोईद खान के परिसर पs बुलडोजर कार्रवाई कईल जाई। एह भवन में बैंक के कार्यालय भी बा। कार्रवाई से पहिले सुरक्षा के कड़ा इंतजाम कईल गईल बा। मौका पs पुलिस बल के भी तैनाती कईल जाता।
शॉपिंग कॉम्प्लेक्स के खाली करावल गइल
जानकारी के मुताबिक शॉपिंग कॉम्प्लेक्स के खाली कs दिहल गईल बा। पीएनबी आपन कार्यालय भी खाली कs दिहले बा। शॉपिंग कॉम्प्लेक्स के एक तिहाई हिस्सा तबाह हो जाई। आरोप बा कि मोईद खान सरकारी जमीन के अवैध तरीका से कब्जा कs के शॉपिंग कॉम्प्लेक्स बनवले रहले।
बेकरी पs बुलडोजर चल चुकल बा
एकरा से पहिले आरोपी मोईद खान के बेकरी पs भी बुलडोजर के इस्तेमाल भईल रहे। आरोपी मोईद खान अवुरी राजू खान के नमूना डीएनए जांच खातीर लिहल गईल बा। अबे रिपोर्ट के इंतजार बा।
आरोपी समेत दु लोग के गिरफ्तार कs लिहल गईल बा
30 जुलाई के अयोध्या पुलिस जिला के पूराकलंदर थाना क्षेत्र के भदरसा नगर में बेकरी के दुकान चलावे वाला मुईद खान अवुरी उनुका कर्मचारी राजू खान के 12 साल के बच्ची के संगे सामूहिक बलात्कार के आरोप में गिरफ्तार कईले रहे। पुलिस के कहनाम बा कि, मुईद अवुरी राजू खान दु महीना पहिले नाबालिग के संगे दुष्कर्म कईले रहले अवुरी एs काम के रिकॉर्ड भी कईले रहले। घटना तब सोझा आईल जब हाल के मेडिकल जांच में पीड़िता गर्भवती होखे के पता चलल।
