गोरखपुर के पिपराइच इलाका में एगो नवविवाहित महिला अपना चचेरी भाई के बियाह से बियाह के सोलहवें दिन लापता हो गईल। पिपराइच थाना में जब पति अपना ससुराल के दु युवक के खिलाफ अपहरण के मामिला दर्ज करवले तs बुध के सबेरे दुल्हिन अपना प्रेमी के संगे गुलरिहा थाना पहुंचल।
थाना में दुल्हिन कहली कि उs बड़ हो गईल बाड़ी, अपना प्रेमी के संगे रहीहे अवुरी एक संगे मर जईहे। दूसर ओर आरोपी प्रेमी के महतारी एs जोड़ी के घर में राखे से मना कs देली। पिपराइच पुलिस मामला के छानबीन करतिया।
मिलल जानकारी के मुताबिक इलाका के सोनराइज उर्फ बाडे गांव के एगो युवक के बियाह 14 अप्रैल के गुलरिहा थाना क्षेत्र के एगो लईकी से भईल रहे। बियाह के 16वां दिन दुलहिन अपना चचेरा भाई के बियाह में चल गईली।
जहां बहिन के बियाह पूरा होखे से पहिले रात के 11:30 बजे गांव के प्रेमी के संगे भाग गईल। दुल्हिन के पति के शिकायत पs पिपराइच पुलिस आरोपी शेरा अवुरी विशाल के खिलाफ मामिला दर्ज कs के तलाशी में जुटल रहे।
जानकारी मिलते दुल्हिन बुध के सबेरे अपना प्रेमी के संगे गुलरिहा थाना पहुंच गईल। उहाँ उs बालिग होके एक संगे रहे-मरे के बात करे लगली। आरोपी शेरा के महतारी तारा देवी बतवली कि अपना पति के मौत के बाद उs टेम्पो चला के अपना बेटा के पालन पोषण कईले बाड़ी।
जब बेटा अपना महतारी के इज्जत ना करेला तs ओकरा घर में रहे के कवनो अधिकार ना होखेला। पुलिस के कहनाम बा कि दुनो वयस्क बाड़े, कानूनी कार्रवाई होखता।
